বইটামাৰীৰ কায়েথপাৰাত পুখুৰীৰ পানীত উদ্ধাৰ শিক্ষকৰ মৃতদেহ

🔯বইটামাৰীৰ কায়েথপাৰাত পুখুৰীৰ পানীত উদ্ধাৰ শিক্ষকৰ মৃতদেহ 

📝বঙাইগাঁওঃ ৮ জুলাইঃ বৃহস্পতিবাৰে বঙাইগাওঁ জিলাৰ বইটামাৰী আৰক্ষী চকীৰ অন্তৰ্গত  কায়েথপাৰাৰ পুখুৰী এটাত এজন শিক্ষকৰ মৃতদেহ উদ্ধাৰ হয় । মৃত শিক্ষকজনৰ নাম সনৎ কুমাৰ বৰ্মন বুলি জানিব পৰা গৈছে । শিক্ষকজনৰ মৃতদেহটো নিজ ঘৰৰ পুখুৰীতে উদ্ধাৰ হৈছে । উল্লেখ্য যে  সনৎ কুমাৰ বৰ্মনে দক্ষিণ বইটামাৰী আঞ্চলিক হাইস্কুলত দীৰ্ঘদিন ধৰি শিক্ষকতা কৰি আছিল   । বৃহস্পতিবাৰে পুৱাৰ ভাগত স্থানীয় ব্যক্তিয়ে পুখুৰীটোৰ কাষৰ কালভাৰ্টত মোবাইল আৰু চেণ্ডেল দেখা পাই সন্দেহ ওপজাত শিক্ষকজনৰ ঘৰত খৱৰ দিয়ে ৷ পিছত বহুত বিচাৰ খোচাৰ কৰাৰ অন্তত বিয়লিৰ ভাগত বইটামাৰী আৰক্ষীৰ উপস্থিতিত স্থানীয় ৰাইজে শিক্ষকগৰাকীক পুখুৰীৰ পৰা মৃত অৱস্থাত উদ্ধাৰ কৰে । শিক্ষকগৰাকী কেনেদৰে পুখুৰীত পৰি মৃত্যু ঘটিলে সেয়া অদ্যপি জানিব পৰা হোৱা নাই । সম্প্ৰতি ব্যক্তিগৰাকীৰ মৃতদেহটো মৰোণোত্তৰ পৰীক্ষাৰ বাবে বঙাইগাঁও অসামৰিক চিকিৎসায়লৈ প্ৰেৰণ কৰিছে বইটামাৰী আৰক্ষীয়ে । ঘটনাটোৱে  সমগ্ৰ বইটামাৰী অঞ্চলত গভীৰ শোকৰ ছাঁ পেলাইছে ।🔯