🔯বঙাইগাঁৱৰ চিলাৰায় সাপ্তাহিক বজাৰৰ কাষত বহিঃ ৰাজ্যৰ পৰা মাছ কঢ়িয়াই অনা ট্ৰাক ৰখোৱাটো বন্ধ কৰিবলৈ দাবী আক্ৰাছুৰ

🔯বঙাইগাঁৱৰ চিলাৰায় সাপ্তাহিক বজাৰৰ কাষত বহিঃ ৰাজ্যৰ পৰা মাছ কঢ়িয়াই অনা ট্ৰাক ৰখোৱাটো বন্ধ কৰিবলৈ দাবী আক্ৰাছুৰ 

🔯পৌৰ সভাৰ কাৰ্যবাহী বিষয়াক স্মাৰক পত্ৰ প্ৰদান  

📝বঙাইগাঁওঃ ৮ জুলাইঃ বঙাইগাঁও চহৰৰ চিলাৰায় সাপ্তাহিক বজাৰৰ কাষত চলি থকা অবৈধ তথা সামাজিক পৰিৱেশ বিনষ্ট কৰা বহিঃৰাজ্যৰ পৰা মাছ কঢ়িয়াই অনা ট্ৰাক ৰখাটো অতিশীঘ্ৰে বন্ধ কৰি উক্ত কাৰ্য-কলাপৰ লগত জড়িত থকাসকলৰ বিৰুদ্ধে বিহীত ব্যৱস্থা গ্ৰহণ কৰিবলৈ বঙাইগাঁও আঞ্চিল আক্ৰাছুৱে বৃহস্পতিবাৰে বঙাইগাঁও পৌৰ সভাৰ কাৰ্যবাহী বিষয়াক এখন স্বাৰক পত্ৰ প্ৰদান কৰে ৷ আক্ৰাছুৰ আঞ্চলিক সমিতিৰ সভাপতি ৰাতুল সৰকাৰ আৰু সম্পাদক নয়নজ্যোতি চৌধুৰীয়ে স্বাক্ষৰ কৰা স্মাৰক পত্ৰত উল্লেখ কৰা মতে বঙাইগাঁও চহৰৰ বৰপাৰাস্থিত চিলাৰায় সাপ্তাহিক বজাৰৰ কাষত জীতেন্দ্ৰ সিং নামৰ ব্যক্তি এগৰাকীয়ে দীৰ্ঘদিন ধৰি  অবৈধভাৱে বঙাইগাঁও পৌৰ সভাৰ অজ্ঞাতে উৎপল চৌধুৰীৰ মাটিত বহিঃ ৰাজ্যৰ পৰা অহা মাছ কঢ়িয়াই অনা ট্ৰাকসমূহ ৰখাই আহিছে ৷ ইয়াৰ ফলত বঙাইগাঁও জিলাৰ বিভিন্ন প্ৰান্তৰ পৰা মাছ নিবলৈ অহা মাছৰ ব্যৱসায়ীসকলে জধে মধে নিজ নিজ যান- বাহনসমূহ পাৰ্কিং কৰাৰ ফলত উক্ত স্থানত যান -জোঁটৰ সমস্যাৰ সৃষ্টি কৰাৰ উপৰিও মাছৰ ট্ৰাকসমূহৰ লেতেৰা পানীয়ে সেই ঠাইখিনি কদৰ্যময় কৰি তুলিছে ৷ মাছৰ ব্যৱসায়ীসকলে ঠাইডোখৰত পুৱাৰে পৰা হাই - উৰুমি, চিঞৰ- বাখৰ কৰি সামাজিক পৰিৱেশ বিনষ্ট কৰি তুলিছে ৷ এই  ঠাইখিনি যিহেতু জনবসতিস্থান্ সেয়ে ইয়াত বসবাস কৰা লোকসকলৰ যান -জোঁটৰ পৰা ভৱিষ্যতে দুৰ্ঘটনা সংঘটিত হোৱাৰ সম্ভাৱনা থকাৰ লগতে জনস্বাস্থ্যৰ প্ৰতি ভাবুকি হৈ পৰিছে ৷ লগতে বিভিন্ন সমস্যাৰ সন্মুখীন হৈ অঞ্চলবাসীয়ে হাৰাশাস্থি ভুগিবলগীয়া হৈছে ৷সেয়ে উক্ত স্থানত চলি থকা অবৈধ তথা সামাজিক পৰিৱেশ বিনষ্ট কৰা ব্যৱসায়টো অতিশীঘ্ৰে বন্ধ কৰি কাৰ্যকলাপৰ লগত জড়িত থকাসকলৰ বিৰুদ্ধে বিহীত ব্যৱস্থা গ্ৰহণ কৰিবলৈ বঙাইগাঁও আঞ্চিলক আক্ৰাছুৰ সভাপতি ৰাতুল সৰকাৰ আৰু সাধাৰণ সম্পাদক নয়নজ্যোতি চৌধুৰীয়ে পৌৰ সভাৰ কাৰ্যবাহী বিষয়াক দাবী জনাইছে ৷ স্মাৰক পত্ৰৰ প্ৰতিলিপি বঙাইগাঁও ৰাজহ চক্ৰ বিষয়া ,বঙাইগাঁও সদৰ থানাৰ ভাৰপ্ৰাপ্ত আৰক্ষী বিষয়ালৈকেও প্ৰেৰণ কৰে ৷ 🔯