🔯বঙাইগাঁও জিলা কোচ ৰাজবংশী যুৱ ছাত্ৰ সন্মিলনীৰ সাধাৰণ সভা

🔯বঙাইগাঁও জিলা কোচ ৰাজবংশী যুৱ ছাত্ৰ সন্মিলনীৰ সাধাৰণ সভা 

📝বঙাইগাঁওঃ ২২ জানুৱাৰীঃ বঙাইগাঁও জিলা কোচ ৰাজবংশী যুৱ ছাত্ৰ সন্মিলনীৰ মুখ্য কাৰ্যালয়ত শনিবাৰে এখন সাধাৰণ সভা অনুষ্ঠিত হয় ৷ এক প্ৰেছ বিবৃতিত জিলা সমিতিৰ সাধাৰণ সম্পাদক জয়ন্ত সিংহই উল্লেখ কৰা মতে সভাত  সৰ্বসন্মতিক্ৰমে আগন্তুক ৫১২ সংখ্যক চিলাৰায় দিৱস বঙাইগাঁও গান্ধী ময়দানত আৰু বঙাইগাঁও জিলা সমিতিৰ ১৬ সংখ্যক দ্বি- বাৰ্ষিক অধিৱেশনখন বঙাইগাঁও পাব্লিক লাইব্ৰেৰীত ১৬ ফেব্ৰুৱাৰীত চিলাৰায় দিৱসৰ সৈতে অনুষ্ঠিত কৰাৰ বাবে সিদ্ধান্ত গ্ৰহণ কৰে ৷ উল্লেখ্য যে উক্ত সাধাৰণ সভাতেই চিলাৰায় দিৱস আৰু জিলা সমিতিৰ দ্বি- বাৰ্ষিক অধিৱেশন অনুষ্ঠিত কৰাৰ বাবে সুৰেশ ৰায়ক সভাপতি আৰু বিশ্বজিৎ ৰায়ক সম্পাদক হিচাপেলৈ এখন ২১ জনীয়া অভ্যৰ্থনা সমিতি গঠন কৰি দিয়ে ৷ জিলা সমিতিয়ে আগন্তুক চিলাৰায় দিৱস আৰু জিলা সমিতিৰ দ্বি- বাৰ্ষিক অধিৱেশনখন সুকলমে অনুষ্ঠিত কৰাৰ বাবে জিলা আৰু আঞ্চলিক সমিতিৰ সমূহ কাৰ্যকৰ্তাসকলৰ উপস্থিতি আৰু  স্বগোষ্ঠীয় ৰাইজৰ  সহায় সহযোগিতা কামনা কৰিছে ৷🔯