🔯বঙাইগাঁও জিলাত এদিনতে ১১৪ গৰাকী ব্যক্তি কোভিডত আক্ৰান্ত

🔯বঙাইগাঁও জিলাত এদিনতে ১১৪ গৰাকী ব্যক্তি কোভিডত আক্ৰান্ত

🔯আক্ৰান্ত সক্ৰিয় ৰোগীৰ সংখ্যা ৭২৬ গৰাকীলৈ বৃদ্ধি 

📝বঙাইগাঁওঃ ২২ জানুৱাৰীঃ বঙাইগাঁও জিলাত কোভিডৰ সংক্ৰমণ অব্যাহত আছে ৷ জিলাখনত শনিবাৰৰ দিনটোত নতুনকৈ ১১৪ গৰাকী লোকৰ দেহত কোভিড - ১৯ ৰ সংক্ৰমণ ধৰা পৰিছে ৷ ইয়াকে ধৰি জিলাখনত বৰ্তমান কোভিডত আক্ৰান্ত সক্ৰিয় ৰোগীৰ সংখ্যা ৭২৬ গৰাকীলৈ বৃদ্ধি পাইছে ৷ আক্ৰান্তসকলৰ ভিতৰত ১৮ গৰাকী ইনষ্টিটিউচনেল কোৱাৰেণ্টাইনত আৰু ৭০৮ গৰাকী হোম কোৱাৰেণ্টাইনত আছে ৷ ইপিনে শনিবাৰে জিলাখনত মুঠ ১,৮৫৯ গৰাকী ব্যক্তিক কোভিড পৰীক্ষা কৰা হয় ৷ সেইদৰে সুস্থ হৈ উঠিছে ৫৫ গৰাকী ব্যক্তি ৷ জিলাখনত ১ জানুৱাৰীৰ পৰা শনিবাৰলৈ মুঠ আক্ৰান্তৰ সংখ্যা বৃদ্ধি পাই ১,০৩৩ গৰাকী হৈছে ৷ আনহাতে জিলাখনত শনিবাৰে ১৫ - ১৭ বছৰ বয়সৰ ২০২ পালি ভেকচিন, ১৮- ৪৪ বছৰ বয়সৰ ৮৮১ পালি ভেকচিন, ৪৫ বছৰ ওপৰৰ বয়সৰ ২৩৩ পালি আৰু সূৰক্ষাসূচক ১৮৫ পালি ভেকচিনকে ধৰি মুঠ ১,৫০৪ পালি ভেকচিন প্ৰদান কৰা হয় ৷ জিলাখনত বৰ্তমানলৈকে সকলো মিলাই মুঠ ৯,৯৮,৭২৫ পালি ভেকচিন প্ৰদান কৰিছে স্বাস্থ্য বিভাগে ৷