🔯বঙাইগাঁও জিলাৰ খগৰপুৰত অচিনাক্ত ব্যক্তিৰ মৃতদেহ উদ্ধাৰ

🔯বঙাইগাঁও জিলাৰ খগৰপুৰত অচিনাক্ত ব্যক্তিৰ মৃতদেহ উদ্ধাৰ

📝বঙাইগাঁওঃ ১৯ জানুৱাৰীঃ বঙাইগাঁও জিলাৰ উত্তৰ শালমাৰা আৰক্ষী চকীৰ অন্তৰ্গত খগৰপুৰ পাহাৰৰ ৰাষ্ট্ৰীয় ঘাইপথৰ কাষত বুধবাৰে এটা  অচিনাক্ত মৃতদেহ উদ্ধাৰ হয়। জানিব পৰা মতে পাহাৰখনৰ থিয়নিৰ ১৭ নং ৰাষ্ট্ৰীয় ঘাইপথৰ কাষত পুৱাৰ ভাগত এজন পুৰুষৰ মৃতদেহ পৰি থকা একাংশ লোকে প্ৰত্যক্ষ কৰি আৰক্ষীক খবৰ দিয়ে । পিছত আৰক্ষীয়ে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে । আনুমানিক ৪৫ বছৰ বয়সৰ ব্যক্তিগৰাকীৰ মৃতদেহটিৰ পৰিচয় বৰ্তমানলৈ জানিব পৰা হোৱা নাই। লোকজনৰ মৃতদেহটো কোনো দুৰ্বৃত্তই পেলাই থৈছে নে দুৰ্ঘটনাৰ ফলত মৃত্যু হৈছে সেয়া এতিয়ালৈ জানিব পৰা হোৱা নাই। ঘটনা সন্দৰ্ভত আৰক্ষীৰ তদন্ত অব্যাহত আছে।🔯