🔯বঙাইগাঁও জিলাত একেদিনাই ১১৪ গৰাকী ব্যক্তিৰ দেহত ধৰা পৰিল কোভিড- ১৯

🔯বঙাইগাঁও জিলাত একেদিনাই ১১৪ গৰাকী ব্যক্তিৰ দেহত ধৰা পৰিল কোভিড- ১৯ 

🔯জিলাখনত বৰ্তমান আক্ৰান্ত সক্ৰিয় ৰোগীৰ সংখ্যা ৫২৭ গৰাকীলৈ বৃদ্ধি 

📝বঙাইগাঁওঃ ১৯ জানুৱাৰীঃ বঙাইগাঁও জিলাত দিনে দিনে কোভিডৰ সংক্ৰমণে ভয়াৱহ ৰূপ ধাৰণ কৰিছে ৷ জিলাখনত বুধবাৰৰ দিনটোত নতুনকৈ ১১৪ গৰাকী লোকৰ দেহত কোভিড - ১৯ ৰ সংক্ৰমণ ধৰা পৰিছে ৷ ইয়াকে ধৰি জিলাখনত বৰ্তমান কোভিডত আক্ৰান্ত সক্ৰিয় ৰোগীৰ সংখ্যা ৫২৭ গৰাকীলৈ বৃদ্ধি পাইছে ৷ আক্ৰান্তসকলৰ ভিতৰত ১৯ গৰাকী ইনষ্টিটিউচনেল কোৱাৰেণ্টাইনত আৰু ৫০৮ গৰাকী হোম কোৱাৰেণ্টাইনত আছে ৷ বুধবাৰে জিলাখনত মুঠ ২,৭৫৫ গৰাকী ব্যক্তিক কোভিড পৰীক্ষা কৰা হয়৷ আনহাতে সুস্থ হৈ উঠিছে ৪৯ গৰাকী ব্যক্তি ৷ জিলাখনত ১ জানুৱাৰীৰ পৰা বুধবাৰলৈকে মুঠ আক্ৰান্তৰ সংখ্যা বদ্ধি পাই ৭০৩ গৰাকী হৈছে ৷ ইপিনে জিলাখনৰ অভয়াপুৰী ৩ নং ৱাৰ্ডৰ হিতেন্দ্ৰ নাৰায়ণ দাস (৪৯) নামৰ এজন ব্যক্তিৰ বুধবাৰে মৃত্যু হয় ৷ জানিব পৰা মতে অভয়াপুৰী সমূহীয়া স্বাস্থ্য কেন্দ্ৰলৈ মৃত অৱস্থাত অনা হৈছিল ব্যক্তিজনক ৷ পিছত মৃত ব্যক্তিজনৰ কোভিড ৰেপিড এণ্টিজেন টেষ্টতৰ ফলাফল পজিটিভ বুলি ধৰা পৰে ৷ আনহাতে জিলাখনৰ বিভিন্ন ঠাইত কোভিডৰ সংক্ৰমণ বৃদ্ধি পোৱাৰ ফলত কোভিড মহামাৰীৰ সংক্ৰমণ ৰোধৰ বাবে আক্ৰান্ত ব্যক্তিসকলৰ আৱাস গৃহক অভিকেন্দ্ৰ  হিচাপে লৈ চাৰিওফালৰ এলেকাক সামৰি ঘোষণা কৰা হৈছে মাইক্ৰ কণ্টেইনমেণ্ট জ'ন ৷🔯