🔯বইটামাৰী উচ্চতৰ মাধ্যমিক বিদ্যালয়ত সমগ্ৰ শিক্ষা-এমবাইব ৰ উদ্যোগত কৃতী শিক্ষাৰ্থীক বঁটা প্ৰদান

🔯বইটামাৰী উচ্চতৰ মাধ্যমিক বিদ্যালয়ত সমগ্ৰ শিক্ষা-এমবাইব ৰ উদ্যোগত কৃতী শিক্ষাৰ্থীক বঁটা প্ৰদান

📝বঙাইগাঁওঃ ২৭ জানুৱাৰীঃ সমগ্র শিক্ষা অসম আৰু 'এমবাইব  ইণ্ডিভিছুৱেল লাৰ্ণিং লিমিটেড ৰ  সহযোগত  'পাৰ্চনালাইজড এণ্ড এডোপটিভ লাৰ্ণিং'   চমুকৈ ' পি এ এল'  বিগত বৰ্ষৰ জুলাই মাহৰ পৰা ৰাজ্যৰ দুশখন চৰকাৰী উচ্চ আৰু উচ্চতৰ মাধ্যমিক বিদ্যালয়ত  আৰম্ভ হৈছিল ।  ছাত্ৰ- ছাত্ৰীৰ মাজত  শিক্ষাৰ মানদণ্ড উন্নত কৰাই 'পি এ এল' ৰ উদ্দেশ্য । এই প্ৰক্ৰিয়াই  ষষ্ঠ শ্ৰেণীৰ পৰা দ্বাদশ শ্ৰেণীৰ ছাত্ৰ -ছাত্ৰী সকলৰ বিজ্ঞান আৰু গণিত বিষয়ৰ জটিল বিষয়বোৰ বুজি পোৱাত আৰু সেই বিষয়বস্তুবোৰৰ পৰা জ্ঞান আহৰণ কৰাত সহায় কৰিছে ।

এই প্ৰক্ৰিয়াৰ অংশস্বৰূপে  ছাত্ৰ - ছাত্ৰীসকলক উৎসাহিত কৰাৰ উদ্দেশ্যে সংস্থাৰ তৰফৰ পৰা গণতন্ত্ৰ দিৱস সমাৰোহত উন্নত প্ৰদৰ্শন কৰা ছাত্ৰ- ছাত্ৰী সকলক মান পত্ৰ আৰু একোটা উপহাৰৰ সৈতে সন্মানিত কৰাৰ পদক্ষেপ লয় । আজি বইটামাৰী উচ্চতৰ মাধ্যমিক বিদ্যালয়তো অধ্যক্ষ আবুল কালাম আজাদে বিদ্যালয়ৰ ছাত্ৰী তৰালী বৰ্মনক মানপ্ৰত্ৰ প্ৰদান কৰে । তেখেতে ছাত্ৰীগৰাকীক পুৰস্কাৰ প্ৰদানৰ লগতে ছাত্ৰ -ছাত্ৰীক বিদ্যালয় আৰু ঘৰত 'পি এ এল' সুবিধাৰ ব্যৱহাৰ কৰিবলৈ কয় । তেওঁ লগতে এই কাৰ্যক্ৰমে শিক্ষকসকলক ছাত্ৰ ছাত্ৰীৰ মূল্যায়নৰ জৰিয়তে শৈক্ষিক দিশত আগবঢ়াই লৈ যোৱাত সহায় কৰিছে বুলিও মন্তব্য কৰে ।🔯