🔯বঙাইগাঁৱৰ বিশিষ্ট লেখিকা বাণী বৰুৱাৰ 'হোমিওপ্যাথিক চিকিৎসা ৰত্নাকৰ' শীৰ্ষক অনুবাদ গ্ৰন্থ উন্মোচন

🔯বঙাইগাঁৱৰ বিশিষ্ট লেখিকা বাণী বৰুৱাৰ 'হোমিওপ্যাথিক চিকিৎসা ৰত্নাকৰ' শীৰ্ষক অনুবাদ গ্ৰন্থ উন্মোচন 

📝বঙাইগাঁওঃ ৩০ জানুৱাৰীঃ  বঙাইগাঁও চহৰৰ শংকৰদেৱ শিশু বিদ্যা নিকেতনত দেওবাৰে চহৰখনৰ বিশিষ্ট লেখিকা বাণী বৰুৱাৰ 'হোমিওপ্যাথিক চিকিৎসা ৰত্নাকৰ গ্ৰন্থ' শীৰ্ষক অনুবাদ গ্ৰন্থখন উন্মোচন কৰা হয় ৷ গ্ৰন্থখন উন্মোচন কৰে হোমিওপ্যাথিম চিকিৎসক বিশ্বজিৎ মূখাৰ্জীয়ে ৷ এই উপলক্ষে অনুষ্ঠিত গাম্ভীৰ্যপূৰ্ণ অনুষ্ঠানত বিশিষ্ট নাগৰিক দিলীপ কুমাৰ ভাগৱতী আৰু বিপুলানন্দ শৰ্মাই পশ্চিম অসমৰ ব্যৱসায়িক তথা ব্যস্ততাপূৰ্ণ চহৰ বঙাইগাঁৱত হোমিওপ্যাথিক চিকিৎসাৰ প্ৰচাৰ আৰু প্ৰসাৰৰ ওপৰত বক্তব্য ৰাখে৷ মূল বাংলাৰ পৰা অনুদিত গ্ৰন্থৰ অনুবাদক বাণী বৰুৱাই হোমিওপ্যাথিক চিকিৎসাত বিশ্বাসী তথা বঙাইগাঁও নিশা অপটিকেলৰ স্বত্বাধিকাৰী অৰুণ কুমাৰ কৰ্মকাৰৰ অনুৰোধমৰ্মে গ্ৰন্থখন অনুবাদ কৰা বুলি উল্লেখ কৰে ৷ অনুষ্ঠানত মানৱেন্দ্ৰ ৰায়, কিশোৰ দাস, অৰুণ কুমাৰ কৰ্মকাৰ আৰু ডাঃমৃণাল কান্তি সিংহ আদি বিশিষ্ট ব্যক্তিসকল উপস্থিত থাকে ৷🔯