🔯মুখ্য মন্ত্ৰী সাহায্য পুঁজিলৈ সদৌ অসম নিয়ন্ত্ৰিত বজাৰ সমিতি কৰ্মচাৰী সন্থাৰ পাঁচ লক্ষাধিক টকাৰ চেক প্ৰদান

🔯মুখ্য মন্ত্ৰী সাহায্য পুঁজিলৈ সদৌ অসম নিয়ন্ত্ৰিত বজাৰ সমিতি কৰ্মচাৰী সন্থাৰ পাঁচ লক্ষাধিক টকাৰ চেক প্ৰদান

📝বঙাইগাঁওঃ ২৯ জানুৱাৰীঃ অসম ৰাজ্যিক কৃষি সামগ্ৰী বিপণন পৰিষদৰ তৃতীয় আৰু চতুৰ্থ শ্ৰেণীৰ কৰ্মচাৰী সংগঠন "সদৌ অসম নিয়ন্ত্ৰিত বজাৰ সমিতি কৰ্মচাৰী সন্থা"ৰ উদ্যোগত বিভিন্ন জিলা নিয়ন্ত্ৰিত আৰু নিয়ন্ত্ৰিত বজাৰ সমিতিৰ তৃতীয় আৰু চতুৰ্থ শ্ৰেণীৰ কৰ্মচাৰীৰ উপৰিও নিৰ্দিষ্ট সংখ্যক কন্টিনজেন্সি মেনিয়াল (Contingency Menial) কৰ্মচাৰীয়ে সংগঠনটোৰ পূৰ্ব প্ৰতিশ্ৰুতি অনুসৰি আগবঢ়োৱা এদিনৰ দৰমহাৰ ধন হিচাপে মুঠ ৫,৭০,৭১৪.০০(পাঁচ লাখ সত্তৰ হাজাৰ সাতশ চৈধ্য) টকাৰ চেক এখন শুকুৰবাৰে মুখ্য মন্ত্ৰী সাহায্য পুঁজিলৈ বুলি কৰ্মচাৰী সংগঠনটোৱে ৰাজ্যৰ মুখ্যমন্ত্ৰী ড০ হিমন্ত বিশ্ব শৰ্মাৰ হাতত অৰ্পণ কৰে এই চেক প্ৰদান অনুষ্ঠানত "ৰাজ্যিক কৃষি সামগ্ৰী বিপণন পৰিষদ"ৰ অধ্যক্ষ মনোজ বৰুৱা, পৰিষদৰ মুখ্য কাৰ্যবাহী বিষয়া বিদ্যুৎ বিকাশ ভাগৱতী, কৰ্মচাৰী সংগঠনটোৰ সভাপতি মণিৰাম শইকীয়া, সম্পাদক মনোজ কুমাৰ ৰায় আৰু সদস্যদ্বয় ক্ৰমে হুলাশ সিংহ আৰু সুনীল কুমাৰ মহন্ত উপস্থিত থাকে ৷ উল্লেখ্য যে বিগত বৰ্ষৰ ৩১ মে'ত কৰ্মচাৰী সংগঠনটোৱে বঙাইগাওঁ জিলাৰ উপায়ুক্ত ডা: এম এছ লক্ষ্মীপ্ৰিয়াৰ  জৰিয়তে ৫০,১০১ টকাৰ চেক এখন মুখ্য মন্ত্ৰী সাহায্য পুঁজিলৈ প্ৰেৰণ কৰিছিল।🔯