🔯নিউ বঙাইগাঁও ৰে'লৱে জংচনত নামনিমুৱা কামৰূপ এক্সপ্ৰেছৰ পৰা বৃহৎ পৰিমাণৰ ভাং জব্দ

🔯নিউ বঙাইগাঁও ৰে'লৱে জংচনত নামনিমুৱা কামৰূপ এক্সপ্ৰেছৰ পৰা বৃহৎ পৰিমাণৰ ভাং জব্দ

📝বঙাইগাঁওঃ২৯ জানুৱাৰীঃ আজি বঙাইগাঁও চহৰৰ নিউ বঙাইগাঁও ৰে'ল জংচনত নামনিমুৱা কামৰূপ এক্সপ্ৰেছৰ পৰা ৰে'লৱে সুৰক্ষা বাহিনীৰ ৰঙিয়া অপৰাধ শাখাই বৃহৎ পৰিমাণৰ ভাং জব্দ কৰিবলৈ সক্ষম হয় ৷ জানিব পৰা মতে ডিব্ৰুগড়ৰ পৰা হাওড়া অভিমুখী নামনিমুৱা কামৰূপ এক্সপ্ৰেছত বৃহৎ পৰিমাণৰ ভাং সৰবৰাহ কৰা বুলি ৰে'লৱে সুৰক্ষা বাহিনীৰ ৰঙিয়া অপৰাধ শাখাই গোপন তথ্য লাভ কৰি ৰঙিয়াৰ পৰা নিউ বঙাইগাঁওলৈ এটি দলে ৰে'লখনত অভিযান চলায় ৷ 

এই অভিযানৰ সময়তে দলটোৱে নিউ বঙাইগাঁও ৰে'ল জংচনত আহি অৱস্থান কৰা নামনিমুৱা কামৰূপ এক্সপ্ৰেছৰ এটা ডবাৰ পৰা প্ৰায় ২০ কিলোগ্ৰাম পৰিমাণৰ ভাং উদ্ধাৰ কৰি জব্দ কৰিবলৈ সক্ষম হয় ৷ ভাংখিনি ডবাটোৰ চকাৰ ওপৰ অংশত গোপনে সৰবৰাহ কৰিছিল ৷ লক্ষ্যণীয় যে  অভিযানকাৰী দলটোৱে এই বৃহৎ পৰিমাণৰ ভাংখিনি জব্দ কৰে যদিও সৰবৰাহকাৰী কোনো লোকক কৰায়ত্ত কৰিবলৈ সক্ষম নহ'ল ৷🔯