🔯বঙাইগাঁৱত প্ৰধানমন্ত্ৰী ফচল বীমা যোজনাৰ বীমা পত্ৰ বিতৰণৰ শুভাৰম্ভ🔯

🔯বঙাইগাঁৱত প্ৰধানমন্ত্ৰী ফচল বীমা যোজনাৰ বীমা পত্ৰ বিতৰণৰ শুভাৰম্ভ🔯 

📝বঙাইগাঁওঃ ২৭ ফেব্ৰুৱাৰীঃ স্বাধীনতাৰ অমৃত মহোৎসৱ উপলক্ষ্যে ৰাজ্যখনত শনিবাৰে প্ৰধানমন্ত্ৰী ফচল বীমা যোজনাৰ অধীনত "মেৰি পলিচি , মেৰে হাথ" অভিযানৰ জৰিয়তে বীমা পত্ৰ বিতৰণৰ সমান্তৰালকৈ বঙাইগাঁও জিলাতো উপায়ুক্ত ডা: এম এছ লক্ষ্মী প্ৰিয়াই চাপাৰাকাটা গাঁও-পঞ্চায়ত কাৰ্যালয়ৰ সভাগৃহত অনুষ্ঠিত সভাৰ জৰিয়তে এই বীমা পত্ৰ বিতৰণৰ শুভাৰম্ভ কৰে। জিলা পৰিষদৰ মুখ্য কাৰ্যবাহী বিষয়া নাদীৰা জেচমিন,জিলা কৃষি বিষয়া সঞ্জয় সেনগুপ্ত,চাপৰাকাটা গাঁও-পঞ্চায়তৰ সভাপতি ব্ৰজমোহন ৰায় আৰু স্থানীয় লোকৰ উপস্থিতিত এই বীমা পত্ৰ বিতৰণ অনুষ্ঠান অনুষ্ঠিত হয়।বীমা পত্ৰ বিতৰণ কৰি দিয়া ভাষণ প্ৰসংগত উপায়ুক্ত ডা:এম এছ লক্ষ্মী প্ৰিয়াই কয় যে চৰকাৰে আঁচনিযোগে দিয়া সুবিধাসমূহ গ্ৰহণ কৰিবলৈ আগবাঢ়ি আহিব লাগে।এইক্ষেত্ৰত জিলা পৰিষদৰ মুখ্য কাৰ্যবাহী বিষয়া আৰু জিলা কৃষি বিষয়াক প্ৰয়োজনীয় পদক্ষেপ ল'বলৈ উপায়ুক্তগৰাকীয়ে আহ্বান জনায়। সভাত জিলা পৰিষদৰ মুখ্য কাৰ্যবাহী বিষয়ায়ো বক্তব্য ৰাখে। সভাৰ উদ্দেশ্য ব্যাখ্যা কৰে জিলা কৃষি বিষয়াই।Agricultural Insurence Company of India Ltd.ৰ কৰ্মকৰ্তা আফচাৰ আলীৰ তত্বাৱধানত বঙাইগাঁৱত এই প্ৰধানমন্ত্ৰী ফচল বীমা যোজনাৰ বীমা পত্ৰসমূহ প্ৰদান কৰা হয়। উল্লেখ্য যে  কেন্দ্ৰীয় চৰকাৰৰ প্ৰধানমন্ত্ৰী ফচল বীমা যোজনা হৈছে কৃষি বিভাগৰ এখন অভিলাসী আঁচনি। কৃষিপ্ৰধান দেশ ভাৰতবৰ্ষত বান, অতিপাত খৰাং, খেতিৰ নানা ৰোগ, পোক-পতঙ্গৰ আক্ৰমণ আদিৰ ফলত বহু সময়ত কৃষকসকলে কৰা খেতিৰ ফচল চপাব নোৱাৰে,গোটেই খেতিপথাৰ নষ্ট হয়।গতিকে কৃষকসকলৰ যাতে টকা-পইচা খৰচ কৰি কৰা খেতিৰ পৰা লোকচান নহয় তাৰ বাবে ভাৰতৰ প্ৰধানমন্ত্ৰীয়ে এই প্ৰধানমন্ত্ৰী ফচল বীমা যোজনা আঁচনিখন হাতত লৈছে। ইয়াৰ অধীনত প্ৰতি হেক্টৰ মাটিৰ খেতিৰ বাবে ১টকাৰ বীমা কৰিলে নিজৰ খেতিৰ লোকচানৰ বাবে কৃষকে বীমাৰ পৰা ক্ষতিপূৰণ লাভ কৰিব। প্ৰধানমন্ত্ৰী ফচল বীমা যোজনাৰ চাপৰাকাটা গাঁও-পঞ্চায়তৰ অন্তৰ্গত হিতাধিকাৰী ৫৩৬ গৰাকী আৰু সমগ্ৰ জিলাৰ হিতাধিকাৰী হ'ল ২২০০০(বাইশ হেজাৰ) গৰাকী। জিলাখনত ২০১৯-২০ আৰু ২০২০-২১ বৰ্ষত বিভিন্ন দুৰ্যোগত বিভিন্ন খেতিৰ ক্ষতিৰ বাবে এই বীমা যোজনাৰ অধীনত কৃষকসকলে প্ৰায় ২৬ কোটি টকা লাভ কৰিব।🔯