🔯চিৰাং জিলা নিৰ্বাচন কাৰ্যালয়ৰ উদ্যোগত ভোটাৰ সজাগতা প্ৰতিযোগিতা আয়োজন

🔯চিৰাং জিলা নিৰ্বাচন কাৰ্যালয়ৰ উদ্যোগত ভোটাৰ সজাগতা প্ৰতিযোগিতা আয়োজন 

📝কাজলগাঁও, ১৭ ফেব্ৰুৱাৰীঃ চিৰাং জিলা নিৰ্বাচন কাৰ্যালয়ে ৰাষ্ট্ৰীয় ভোটাৰ সজাগতা প্ৰতিযোগিতা সন্দৰ্ভত বৃহস্পতিবাৰে কাজলগাঁওত উপায়ুক্তৰ কাৰ্যালয়ৰ সভাকক্ষত এখন সংবাদমেল আয়োজন কৰে। চিৰাঙৰ নিৰ্বাচনী বিষয়া পাৰ্থ প্ৰতিম বৰুৱাৰ উপস্থিতিত চিৰাঙৰ অতিৰিক্ত উপায়ুক্ত অজিত কুমাৰ শৰ্মাই সংবাদমেলত অংশ গ্ৰহণ কৰি কয়, "ৰাষ্ট্ৰীয় ভোটাৰ সৃষ্টিশীল অভিব্যক্তিৰ জৰিয়তে দেশৰ নিৰ্বাচনী প্ৰক্ৰিয়াক অধিক অংশগ্ৰহণমূলক কৰাৰ লক্ষ্যৰে চলিত বৰ্ষৰ ১৫ জানুৱাৰীত ৰাষ্ট্ৰীয় ভোটাৰ দিৱস উপলক্ষে ভাৰতীয় নিৰ্বাচন আয়োগে সজাগতা প্ৰতিযোগিতা আৰম্ভ কৰিছিল।  ভাৰতীয় নিৰ্বাচন আয়োগে বিচৰা অনুসৰি চিৰাং জিলা নিৰ্বাচন কাৰ্যালয়ও সকলো বয়সৰ লোকৰ মাজত কুইজ প্ৰতিযোগিতা, শ্ল'গান প্ৰতিযোগিতা, গানগোৱা প্ৰতিযোগিতা, ভিডিঅ' নিৰ্মাণ প্ৰতিযোগিতা আৰু পোষ্টাৰ ডিজাইন প্ৰতিযোগিতা ৷

'মোৰ ভোট মোৰ ভৱিষ্যত- এটা ভোটৰ শক্তি' বিষয়বস্তুৰ ওপৰত প্ৰতিযোগিতা আয়োজন কৰাৰ সিদ্ধান্ত লৈছে। ভাৰতীয় নিৰ্বাচন আয়োগৰ পৰা বিজয়ীসকলক শ্ৰেণী-অনুসৰি প্ৰদান কৰিব লগা ৰোমাঞ্চকৰ নগদ পুৰস্কাৰৰ বিষয়ে উল্লেখ কৰি তেওঁ চিৰাং জিলা প্ৰশাসনৰ অধীনত থকা চিদলী আৰু বিজনী বিধান সভা সমষ্টিৰ ভোটাৰসকলক ভাৰতীয় নিৰ্বাচন আয়োগে আৰম্ভ কৰা ভোটাৰ সজাগতা প্ৰতিযোগিতাত অংশগ্ৰহণ কৰিবলৈ www. voterawarenesscontest.in লগ ইন কৰি পঞ্জীয়ন/লগইনত ক্লিক কৰি ১৫ মাৰ্চ, ২০২২ ৰ ভিতৰত তেওঁলোকৰ প্ৰবিষ্টি প্ৰেৰণ কৰিবলৈ আহ্বান জনায়।🔯