🔯ক'ভিড বিধৱা সহায়ক আঁচনিৰ অধীনত চিৰাঙত ৪ গৰাকী মহিলাক আৰ্থিক সাহাৰ্য্য প্ৰদান

🔯ক'ভিড বিধৱা সহায়ক আঁচনিৰ অধীনত চিৰাঙত ৪ গৰাকী মহিলাক আৰ্থিক সাহাৰ্য্য প্ৰদান 

📝কাজলগাঁওঃ ১৭ ফেব্ৰুৱাৰীঃ চিৰাং জিলাত মুখ্যমন্ত্ৰী ক'ভিড - ১৯ বিধৱা সহায়ক আঁচনিৰ অধীনত বৃহস্পতিবাৰে চাৰিগৰাকী বিধৱা মহিলাক আৰ্থিক সাহাৰ্য্য প্ৰদান কৰা হয়। কাজলগাঁওস্থিত চিৰাং জিলাৰ উপায়ুক্তৰ কাৰ্যালয়ৰ সভাকক্ষত অনুষ্ঠিত এক সভাত চিদলী বিধান সভা সমষ্টিৰ বিধায়ক জয়ন্ত বসুমতাৰীয়ে চাৰিগৰাকী হিতাধিকাৰীৰ প্ৰত্যেকগৰাকীক ২.৫ লাখ টকাৰ চেক বিতৰণ কৰে। সভাত আদৰণি ভাষণ দিয়ে উপায়ুক্ত নৰেন্দ্ৰ কুমাৰ শ্বাহে ।তেওঁ ভাষণত কয় যে ক'ভিড মহামাৰীত ক্ষতিগ্ৰস্ত পৰিয়াল সকলোক আৰ্থিক ভাৱে সকাহ দিয়াৰ উদ্দেশ্যে চৰকাৰে গ্ৰহণ কৰা মুখ্যমন্ত্ৰী ক' ভিড - ১৯ বিধৱা সহায়ক আঁচনি, প্ৰাৰ্থনা আঁচনি জিলা খনত চলি আছে।

জিলাখনত ক'ভিডত ক্ষতিগ্ৰস্ত কোনো পৰিয়াল যদি এই আঁচনিৰ পৰা বাদ পৰিছে তেন্তে তেওঁ লোকক জিলা প্ৰশাসনৰ লগত যোগাযোগ কৰিবলৈ তেও আহ্বান জনায় ৷ চিদলীৰ বিধায়ক জয়ন্ত বসুমতাৰীয়ে নিজৰ মুখ্য অতিথিৰ ভাষণত কয় যে ক'ভিড মহামাৰীত মৃত্যুবৰণ কৰা পৰিয়ালৰ মুৰব্বী বা উপাৰ্জনকাৰী সকলক ঘুৰাই পোৱা সম্ভৱ নহয়। কিন্তু সেই পৰিয়াল সমূহক কিছু আৰ্থিক সকাহ দিয়াৰ বাবে ৰাজ্য চৰকাৰে এই ব্যৱস্থা গ্ৰহণ কৰিছে। বৰ্তমানলৈ জিলাখনত এই আঁচনিৰ অধিনত মুঠ ২১ গৰাকী হিতাধিকাৰীক ২.৫ লাখ টকাকৈ চেক প্ৰদান কৰা হৈছে বুলি উল্লেখ কৰে ৷ সভাত উপস্থিত থাকে অতিৰিক্ত উপায়ুক্ত অজিত কুমাৰ শৰ্মা, বিজনী ৰাজহ চক্ৰৰ চক্ৰ বিষয়া মাৰীয়া তানিম, সহকাৰী আয়ুক্ত ৰাখীশ্ৰী লেখাৰু আৰু কৰ্মচাৰী সকল।🔯