🔯মৰণোত্তৰ অংগ দানত উৎসাহ যোগোৱাৰ বাবে নৱী মুম্বাই ৰ'টাৰী ক্লাৱৰ দুই সদস্যৰ প্ৰচাৰ অভিযান

🔯মৰণোত্তৰ অংগ দানত উৎসাহ যোগোৱাৰ বাবে নৱী মুম্বাই ৰ'টাৰী ক্লাৱৰ দুই সদস্যৰ প্ৰচাৰ অভিযান 

📝বঙাইগাঁওঃ ৮ ফেব্ৰুৱাৰীঃ মৰণোত্তৰ অংগ দানত উৎসাহ যোগোৱাৰ বাবে আৰু এই সংক্ৰান্তত ৰাইজৰ মাজত অধিক প্ৰচাৰৰ বাবে ২৮ খন ৰাজ্য আৰু ৮ খন কেন্দ্ৰীয় শাসিত অঞ্চলত মুঠ ১৩১ দিনত ১৩১ খন চহৰত প্ৰচাৰ অভিযান চলাবলৈ ওলাইছে নৱী মুম্বাই ৰ'টাৰী ক্লাৱৰ সদস্যদ্বয় ভাল শেখৰ চাইলানা আৰু নমিতা দত্তই ৷ শেহতীয়াকৈ ৭ ফেব্ৰুৱাৰীত ৰ'টাৰী ক্লাৱৰ সদস্যদ্বয় বঙাইগাঁও আবৰ্ত ভৱনত উপস্থিত হয় ৷ 

ইয়াতে বঙাইগাঁও ৰ'টাৰী ক্লাৱ আৰু লায়ন্স ক্লাৱৰ সদস্যৰ সৈতে বৰ্তমান সময়ত অংগদানৰ প্ৰয়োজনীয়তা আৰু অংগদানৰ প্ৰক্ৰিয়াৰ বিষয়ে আলোচনা কৰে ৷ উক্ত সভাত ৰ'টাৰীয়ান ডঃ অপু গুহঠাকুৰতা, প্ৰদীপ সেন, বঙাইগাঁও লায়ন্স ক্লাৱৰ শ্যামসুন্দৰ আগৰৱালা, বিকাশ টুৱানী,সুজিত আগৰৱালা আৰু নিখিল টুৱানী উপস্থিত থাকে ৷ সভাৰ অন্তত বৃহত্তৰ বঙাইগাঁও অঞ্চলত মৰণোত্তৰ অংগদানত জনসাধাৰণক উৎসাহ যোগোৱাৰ বাবে বিভিন্ন  কাৰ্যসূচী গ্ৰহণৰ প্ৰস্তাৱ গ্ৰহণ কৰা হয় ৷🔯