🔯বঙাইগাঁও জনস্বাস্থ্য কাৰিকৰী সংমণ্ডলৰ অধীনত ৰচনা প্ৰতিযোগিতা

🔯বঙাইগাঁও জনস্বাস্থ্য কাৰিকৰী সংমণ্ডলৰ অধীনত ৰচনা প্ৰতিযোগিতা

📝বঙাইগাঁওঃ ৮ ফেব্ৰুৱাৰীঃ ভাৰত চৰকাৰৰ জলশক্তি মন্ত্ৰণালয়ৰ খোৱাপানী আৰু অনাময় বিভাগ আৰু অসম চৰকাৰৰ যুটীয়া উদ্যেগত 'স্বচ্ছ ভাৰত মিছন' তথা 'জল জীৱন মিছন'ৰ উদ্দেশ্য তথা বিষয়বস্তুসমূহ ৰাইজৰ মাজলৈ  লৈ যোৱাৰ বাবে "আইকনিক সপ্তাহ" উদযাপন  কৰি থকা হৈছে । এই অনুষ্ঠানৰ অংশ হিচাপে বঙাইগাওঁ জিলা পানী আৰু অনাময় সমিতিয়ে দুটা শিতানত এখনি অনলাইন ৰচনা প্ৰতিযোগিতা আয়োজন কৰিছে । এই ৰচনা প্ৰতিযোগিতাৰ বিষয় সমূহ হ'ল প্ৰথম শাখাত নৱম শ্ৰেণীৰ পৰা দ্বাদশ শ্ৰেণীলৈ  'পেলনীয়া প্লাষ্টিকৰ সু-ব্যৱস্থাপনা আৰু স্বচ্ছ পৰিবেশ' ( Efficient Plastic Waste Management and Clean Environment ) আৰু দ্বিতীয় শাখাত ষষ্ঠ শ্ৰেণীৰ পৰা অষ্ঠম শ্ৰেণীলৈ 'স্বাস্থ্য আৰু পৰিষ্কাৰ খোৱা পানী' ( Health and Clean Drinking water) ৷ ৰচনা দুখন ২৫০-৩০০ শব্দৰ ভিতৰত হ'ব লাগিব ৷ উক্ত ৰচনা প্ৰতিযোগিতাত নিৰ্ধাৰিত শ্ৰেণীৰ সকলো ছাত্ৰ-ছাত্ৰীয়ে অংশগ্ৰহণ কৰিব পাৰিব ৷ ৰচনা সমূহ অহা ১০ ফেব্ৰুৱাৰীৰ ভিতৰত  ই-মেইলৰ জৰিয়তে  eephebongaigaon@gmail.com ID লৈ অথবা whatsapp ৰ জৰিয়তে 70025 27908 নম্বৰলৈ পঠাবলৈঅনুৰোধ জনোৱা হৈছে। শ্ৰেষ্ঠ তিনিটা স্থানৰ বাবে আকৰ্ষণীয় পুৰষ্কাৰৰ লগতে সমূহ প্ৰতিযোগীলৈ মানপত্ৰ আৰু পুৰষ্কাৰ প্ৰদান কৰা হ'ব বুলিও উদ্যোক্তাৰ তৰফৰ পৰা জনোৱা হৈছে।🔯