🔯বঙাইগাঁৱত সম্ভাৱ্য বানৰ প্ৰস্তুতি সভা🔯

🔯বঙাইগাঁৱত সম্ভাৱ্য বানৰ প্ৰস্তুতি সভা🔯

📝বঙাইগাঁওঃ ২৫ ফেব্ৰুৱাৰীঃ বঙাইগাঁও জিলাৰ  উপায়ুক্ত ডা:এম এছ লক্ষ্মী প্ৰিয়াৰ সভাপতিত্বত শুকুৰবাৰে সম্ভাৱ্য বানৰ মোকাবিলা কৰিবলৈ প্ৰস্তুতি সভা এখন অনুষ্ঠিত হয় ৷ জিলা উপায়ুক্ত কাৰ্যালয়ৰ সভাকক্ষত অতিৰিক্ত উপায়ুক্ত তথা জিলা দুৰ্যোগ ব্যৱস্থাপনা প্ৰাধিকৰণৰ মুখ্য কাৰ্যবাহী বিষয়া পংকজ চমুৱা, জিলা পৰিষদৰ মুখ্য কাৰ্যবাহী বিষয়া নাদীৰা জেচমিন, অতিৰিক্ত উপায়ুক্ত তথা উত্তৰ শালমাৰা মহকুমাৰ মহকুমাধিপতি (ভাৰপ্ৰাপ্ত) পাৰ্থ সাৰথী জহৰী, চক্ৰ বিষয়াসকল, দুৰ্যোগ ব্যৱস্থাপনা প্ৰাধিকৰণৰ জিলা প্ৰকল্প বিষয়া, জলসম্পদ, অগ্নিনিৰ্বাপক আৰু আপাতকালীন সেৱা বিভাগ, স্বাস্থ্য, জনস্বাস্থ্য কাৰিকৰী, লোক নিৰ্মাণ(পথ) বিভাগ, কৃষি, পশুপালন, শিক্ষা, খাদ্য-অসামৰিক যোগান আৰু উপভোক্তা পৰিক্ৰমা,পৰিবহন, মীন আদি বিভাগৰ বিষয়াৰ উপস্থিতিত অনুষ্ঠিত সভাত আগন্তুক বৰ্ষত সম্ভাৱ্য বানপানীৰ বাবে প্ৰস্তুতি সন্দৰ্ভত আলোচনা কৰা হয়।জলসম্পদ বিভাগৰ মথাউৰি মেৰামতি বা প্ৰয়োজনীয় সাময়িক ব্যৱস্থাপনা, বানাক্ৰান্তক উদ্ধাৰৰ বাবে নাওৰ ব্যৱস্থাপনা আদি, আশ্ৰয় শিবিৰ স্থাপন,ৰিলিফৰ লগতে আন আন প্ৰয়োজনীয় সামগ্ৰী প্ৰদান, পশুখাদ্যৰ ব্যৱস্থাপনা, বানাক্ৰান্তক বিশুদ্ধ খোৱাপানী যোগান আৰু অনাময় ব্যৱস্থা, বানত ক্ষতিগ্ৰস্ত কৃষকৰ বাবে কঁঠিয়া সিঁচা, বানাক্ৰান্তক চিকিৎসাৰ লগতে ঔষধ প্ৰদানৰ ব্যৱস্থা আদি বিভিন্ন প্ৰয়োজনীয় দিশত প্ৰস্তুতি সন্দৰ্ভত সভাত আলোচনা কৰা হয়। সভাত দুৰ্যোগ ব্যৱস্থাপনা বিভাগৰ ক্ষেত্ৰ বিষয়াসকলো উপস্থিত থাকে।🔯