🔯বঙাইগাঁৱত চাইবাৰ ক্ৰাইমৰ বলি বিজেপি নেতা🔯

🔯বঙাইগাঁৱত চাইবাৰ ক্ৰাইমৰ বলি বিজেপি নেতা🔯

📝বঙাইগাঁওঃ ২৫ ফেব্ৰুৱাৰীঃ বঙাইগাঁৱত এইবাৰ চাইবাৰ ক্ৰাইমৰ বলি হ'ল এজন বিজেপি নেতা ৷ বঙাইগাঁও জিলা বিজেপিৰ সামাজিক মাধ্যম কোষৰ আহ্বায়ক সুব্ৰত মণ্ডল এই চাইবাৰ ক্ৰাইমৰ বলি হয় ৷ প্ৰাপ্ত বাতৰি মতে বিজেপি নেতা সুব্ৰত মণ্ডলৰ নামত এটা নতুন ভুৱা ফেচবুক একাউন্ট খুলি অশোভনীয় পোষ্ট কৰা হৈছিল ৷ হিন্দু বিজেপি নেতা সুব্ৰত মণ্ডলৰ ভুৱা এই ফেচবুক একাউণ্টত নেতাজনক মুচলিম বুলি পৰিচয় প্ৰদান কৰাৰ লগতে কংগ্ৰেছ দলৰ চিহ্ন প্ৰফাইলত প্ৰদশৰ্ন কৰা হৈছিল ৷ এই ঘটনা সন্দৰ্ভত সুব্ৰত মণ্ডলে ২২ ফেব্ৰুৱাৰীত বঙাইগাঁও থানাত এখন এজাহাৰ দাখিল কৰাৰ পিছত বঙাইগাঁও আৰক্ষীয়ে ঘটনাৰ তদন্ত আৰম্ভ কৰে আৰু যোৱা নিশা এই ঘটনাৰ সৈতে জড়িত ৰাকেশ কুমাৰ মণ্ডল ( ২৫ ) ক বঙাইগাঁও জিলাৰ মেৰেৰচৰ থানাৰ অন্তৰ্গত বালাৰচৰৰ পৰা গ্ৰেপ্তাৰ কৰা বুলি বঙাইগাঁও জিলাৰ উপ আৰক্ষী অধীক্ষক মণি কান্ত চমুৱাই জানিবলৈ দিছে ৷ উল্লেখ্য যে বিজেপি নেতা গৰাকীও একেখন গাওঁৰে বুলি জানিব পৰা গৈছে ৷ ৰাকেশ কুমাৰ মণ্ডল সুব্ৰত মণ্ডলৰ খুৰাকৰ ল'ৰা বুলিও জানিব পৰা গৈছে ৷ বঙাইগাঁও আৰক্ষীয়ে গ্ৰেপ্তাৰ কৰা ৰাকেশ কুমাৰ মণ্ডলক শুকুৰবাৰে আদালতত হাজিৰ কৰোৱাত আদালতে ন্যায়িক জিম্মালৈ প্ৰেৰণ কৰে ৷🔯