🔯বঙাইগাঁৱত ঠিকাদাৰে বিজেপিৰ মানুহক ভিতি প্ৰদৰ্শন কৰিছে - মন্ত্ৰী চন্দ্ৰমোহন পাটোৱাৰী🔯

🔯বঙাইগাঁৱত ঠিকাদাৰে বিজেপিৰ মানুহক ভিতি প্ৰদৰ্শন কৰিছে - মন্ত্ৰী চন্দ্ৰমোহন পাটোৱাৰী🔯

 🔯পৌৰসভা এলেকাত যিমান উন্নয়ন হ'ব লাগিছিল আচলতে সিমান উন্নয়ন হোৱা নাই🔯

🔯বিজেপিয়ে পৌৰসভা গঠন কৰিলে বঙাইগাঁও চগৰক অসমৰ ভিতৰত এখন সৰ্বাংগ সুন্দৰ চহৰ হিচাপে গঢ়ি তুলিম🔯

📝বঙাইগাঁওঃ ২৬ ফেব্ৰুৱাৰীঃ বঙাইগাঁৱত দুই - তিনিজন ঠিকাদাৰে বিজেপিৰ মানুহবোৰক অলপ ভিতি প্ৰদৰ্শন কৰিছে ৷ এইবিলাক কৰিব নাপায় ৷ ঠিকাদাৰ হিচাপে তেওলোকে ঠিকা কৰিব লাগে আৰু সেইটোহে তেওঁঁলোকৰ কাম ৷ এই মন্তব্য ৰাজ্য চৰকাৰৰ পৰিবহন বিভাগৰ মন্ত্ৰী তথা বঙাইগাঁও পৌৰসভা নিৰ্বাচনৰ বিজেপি দলৰ তত্বাৱধায়ক চন্দ্ৰ মোহন পাটোৱাৰীৰ ৷ শনিবাৰে বঙাইগাঁও জিলা বিজেপি কাৰ্যালয়ত দলৰ পৌৰসভা নিৰ্বাচনৰ সংকল্প পত্ৰ উন্মোচন কৰি দিয়া বক্তব্যত এইদৰে কয় ৷ সংবাদিকৰ উপস্থিত সংকল্প পত্ৰ উন্মোচন কৰি দিয়া বক্তব্যত মন্ত্ৰী পাটোৱাৰীয়ে কয় যে মই শুনিছো যে ইয়াত দুই - তিনিজনমান ঠিকাদাৰে মানুহবিলাকক কয় বিজেপিক ভোট দিলে আপোনালোকৰ ৰাস্তাবোৰ নহ'ব ৷ঠিকাদৰে ৰাস্তা কৰিব নেকি?  কোন হয় ঠিকাদাৰ? চৰকাৰে ঠিকা দিছো কাৰণে ঠিকাদাৰ ৷ কাইলৈ যদি  ঠিকা দিয়া বন্ধ হৈ যায়, তেতিয়াহলে কিহৰ ঠিকাগাৰ ৷ ঠিকাদাৰে মানুহক ধমকি দিব নাপায় আৰু নোৱাৰে ৷ এইটো অলপ বেয়া কথা হৈছে  ৷  এইবোৰকলৈ ভয় কৰিব নেলাগে ৷ মই আছো নহয় মন্ত্ৰী হিচাপে আপোনালোকৰ লগত ৷ মই পি ডব্লি ডি বিভাগৰ মুখ্য অভিযন্তাক কম যে আপোনালোকৰ ঠিকাদাৰে কেনেকৈ মানুহক ধমকি দিব পাৰে ৷ মানুহক ধমকি দিবৰ কাৰণে ঠিকা দিছে নেকি ঠিকাদাৰক? ভয় নকৰিব ৷ দিল্লীত প্ৰধানমন্ত্ৰী নৰেন্দ্ৰী মোদী আৰু  অসমত মুখ্যমন্ত্ৰী ডঃ হিমন্ত বিশ্ব শৰ্মা আছে ৷ তাৰোপৰি অসম চৰকাৰৰ মন্ত্ৰী হিচাপে মই আছো ৷ ভয় কিয় কৰিব লাগে ৷ আমিতো কোনো বেয়া কাম কৰা নাই ৷ বিজেপিয়ে কোনো বেয়া কামেই নকৰে ৷ ইপিনে সাংবাদিকে মন্ত্ৰীগৰাকীক কোন দলৰ ঠিকাদাৰে ধমকি দি আছে বুলি প্ৰশ্ন কৰাত তেওঁ,কয় যে কোন দলৰ ঠিকাদাৰ মই নাজানো ৷ কেৱল বিজেপিক ভোট দিবলৈ মানা কৰিছে ৷ এইয়ায়ে মই জানো ৷ বিজেপিৰ মানুহক ধমকি দিছে যে যদি বিজেপিক ভোট দিয়া তেতিয়াহলে ৰাস্তা নহ'ব ৷ কোন দলৰ ঠিকাৰ, কোন ঠিকাদাৰ মই নাজানো ৷ আনহাতে বঙাইগাঁও পৌৰসভা এলেকাত যিমান উন্নয়ন হ'ব লাগিছিল আচলতে সিমান উন্নয়ন হোৱা নাই বুলিও কয় ৷ গতিকে ইয়াত ৰাস্তা - ঘাট, নলা - নৰ্দমা বা অন্যান্য যিখিনি উন্নয়ন হ'ব লাগিছিল হোৱা নাই ৷ ইয়াৰ কাৰণে বহুদিন আগতে ইয়াত এখন মাষ্টাৰ প্লেন হ'ব লাগিছিল ৷ কিন্তু মাষ্টাৰ প্লেনখন ইমানদিনে নোহোৱাটোতহে মই আচৰিত হৈছো ৷ সেয়ে আমি বিজেপিয়ে এটা সংকল্প লৈছো যে ৰাইজে যদি এইবাৰ আমাক পৌৰসভাত নিৰ্বাচিত কৰে তেতিয়াহলে আমি বঙাইগাঁও পৌৰসভাৰ কাৰণে এখন মাষ্টাৰ প্লেন কৰিম আৰু সেইখন মাষ্টাৰ প্লেন বঙাইগাঁও চহৰখনক বৰ্ধিত কৰি কৰা হ'ব ৷ মাষ্টাৰ প্লেনখন সুন্দৰভাৱে পৰিকল্পনা কৰি কৰা হ'ব ৷ মন্ত্ৰীগৰাকীয়ে বিজেপি দলে বঙাইগাঁও পৌৰসভাকলৈ আশাবাদী বুলিও কয় ৷ আনহাতে পাৰ্কিঙৰ সমস্যা সমাধানৰ ক্ষেত্ৰত বিশেষ ব্যৱস্থা গ্ৰহণ কৰিব বুলি কৈ কয় যে চহৰখনত যদি পাৰ্কিঙৰ সমস্যা সমাধান কৰিব লাগে তেতিয়াহলে ইয়াত মাল্টি পাৰ্কিং চিষ্টেমৰ ব্যৱস্থা কৰিব লাগিব গুৱাহাটীত কৰাৰ দৰে ৷ বঙাইগাঁৱত পাৰ্কিং আৰু ট্ৰেফিক ব্যৱস্থা আৰু নলা উন্নত কৰাৰ আৰু প্ৰয়োজন আছে ৷ বঙাইগাঁৱত মাষ্টাৰ প্লেন নোহোৱাৰ বাবে নলা - নৰ্দমাৰ কাম হৈ উঠা নাই ৷ টকা নোহোৱা নহয় ৷ ইয়াত যথেষ্ট টকা আহিছে ৷ গতিকে তাৰ পিচতো যে নলা - নৰ্দমাৰ কামবিলাক আধৰুৱা হৈ আছে তাৰ কাৰণ হ'ল ইয়াত কোনো মাষ্টাৰ প্লেন নাই আৰু কোনো পৰিকল্পনা নাই ৷ মাষ্টাৰ প্লেন এখন থাকিলে সেই মাষ্টাৰ প্লেনখনত যিখিনি টকা আহিল মাষ্টাৰ প্লেন মতে কাম হৈ যাব আৰু যি কাম লোৱা হ'ব সেইখিনি সম্পূৰ্ণ হ'ব ৷ 

সাংবাদিকে বঙাইগাঁও চহৰখনৰ উন্নয়ন কৰাত অগপ ব্যৰ্থ হৈছে নেকি বুলি প্ৰশ্ন কৰাত মন্ত্ৰী পাটোৱাৰীয়ে কয় যে আজিৰ দিনত আমি কাকো সমালোচনা নকৰো ৷ কোন ব্যৰ্থ, কোন সফল সেইবিলাক মই ক'ব নেযাও ৷  বঙাইগাঁওবাসী ৰাইজ পৌৰসভা এলেকাত উন্নয়নৰ কাৰণে বিজেপিৰ সপক্ষে আছে ৷ আমি পৌৰসভা দখল কৰিলে ভূূূূমিৰ পট্টা নোপোৱাসকলক ভূমি পট্টা প্ৰদান কৰা হ'ব ৷ সেইদৰে পৌৰসভা দখল কৰিলে বঙাইগাঁও পৌৰসভা এলেকাৰ লগতে চহৰৰ ওচৰ পাজৰৰ এলেকাৰ সৈতে যোগাযোগ ব্যৱস্থা তথা যাতায়তৰ বাবে বিদ্যুৎ চালিত বাহনৰ ব্যৱস্থা কৰা হ'ব ৷ ৰাইজৰ নামত অহা ধন ৰাইজৰ উন্নয়নৰ কাৰণে খৰচ কৰিব লাগিব ৷ যিয়ে নকৰে তেওঁৰ বিৰুদ্ধে ব্যৱস্থা গ্ৰহণ কৰা হ'ব ৷ মন্ত্ৰী পাটোৱাৰীয়ে আৰু কয় যে বঙাইগাঁও চহৰৰ পদ পথৰ ওপৰত জাবৰৰ দোম ৷ চহৰখন যিমান ধুনীয়া হৈ থাকিব লাগে, সিমান ধুনীয়া নহয় ৷ এটা ঘড়ী লগাই দিলেই চহৰখনৰ উন্নয়ন নহয় ৷ চহৰখনৰ উন্নতি মানে চহৰখনৰ চাৰিওফালৰ পৰা চহৰখন স্বচ্ছ আৰু নিকা হ'ব লাগিব ৷ সেয়ে বিজেপিৰ পৌৰসভা হলে চহৰখনক স্বচ্ছ আৰু নিকা কৰি ৰখা হ'ব ৷ তাৰ কাৰণে অত্যাধুনিক ব্যৱস্থা গ্ৰহণ কৰা হ'ব ৷ কাৰণ বঙাইগাঁও চহৰখন এখন ডাঙৰ চহৰ ৷ ওচৰতে এটা শোধনাগাৰ আছে ৷ ইয়াত ৰে'লৱে জংচন আছে আৰু নামনি অসমৰ এখন ব্যৱসায়ীক চহৰ ৷ তেনেক্ষেত্ৰত চহৰখন যিমান ধুনীয়া হ'ব লাগে আৰু যেনেধৰণৰ পৰিকল্পনা থাকিব লাগে, তেনেধৰণৰ পৰিকল্পনা চহৰখনত হোৱা নাই ৷ যিয়ে যেনেদৰে মন যায় যতে ততে ঘৰ সাজিছে , কিবা কৰিছে ৷ কিন্তু বিজেপিয়ে পৌৰসভা গঠন কৰিলে এখন মাষ্টৰ প্লেন কৰিম আৰু বঙাইগাঁও চহৰৰখনক অসমৰ ভিতৰত এখনক সুন্দৰ চহৰ হিচাপে গঢ়ি তোলা হ'ব বুলিও প্ৰতিশ্ৰুতি দিয়ে ৷ মন্ত্ৰীগৰাকীয়ে দৈনিক ৰসগোল্লা খাই থাকিলে সকলোৰে বেয়া লাগিব বুলি কৈ অলপ চিঙৰা বা আন বস্তুৰো সোৱাদ লোৱা ভাল বুলি কয় ৷ সেয়ে বঙাইগাঁৱত পৰিৱৰ্তন এটা আহক এইবাৰ ৷ ৰসগোল্লাৰ সলনি ৰাইজে লালমোহন আদিৰ সোৱাদো অলপ লওক ৷ এইবাৰ পৰিৱৰ্তন হলে ইয়াৰ পিচত এটা ডাঙৰ পৰিৱৰ্তন লাগিব ৷ তেওঁ কয় যে মই বৰ্তমান খাওতে শুওতে কেৱল বঙাইগাঁৱৰ কথাকে ভাৱি থাকো ৷ বঙাইগাঁও পৌৰসভা নিৰ্বাচনত বিজেপি দলে ভাল ফল প্ৰদৰ্শন কৰিব বুলিও আশা প্ৰকাশ কৰে ৷ মন্ত্ৰী পাটেৱাৰীয়ে সংকল্প পত্ৰত সন্নিবিষ্ট বিভিন্ন প্ৰকিশ্ৰুতিসমূহৰ কথাও ব্যক্ত কৰে ৷ জিলা বিজেপিৰ সভাপতি হিমানী অধিকাৰী, বিটিচিৰ স্বাস্থ্য বিভাগৰ কাৰ্যাবাহী সদস্য অৰূপ দে,  জিলা বিজেপিৰ প্ৰভাৰী  ব্ৰজ কুমাৰ দাস আদি উপস্থিত থকা সংকল্প পত্ৰ উন্মোচনী অনুষ্ঠানত দলৰ প্ৰাৰ্থীসকল আৰু দলীয় কৰ্মীসকল উপস্থিত থাকে ৷🔯