🔯চিকিৎসালয়লৈ গৈ সাংবাদিক জয়ন্ত দেবনাথৰ ওপৰত আৰক্ষীৰ আক্ৰমণৰ খবৰ ললে অসম বাৰ্তাজীবী সংঘই

🔯চিকিৎসালয়লৈ গৈ সাংবাদিক জয়ন্ত দেবনাথৰ  ওপৰত আৰক্ষীৰ আক্ৰমণৰ খবৰ ললে অসম বাৰ্তাজীবী সংঘই 

🔯উন্নত চিকিৎসাৰ ব্যবস্থা কৰিবলৈ চৰকাৰক দাবী 

📝বঙাইগাঁওঃ ৮ ফেব্ৰুৱাৰীঃ চিৰাং জিলাৰ বাসুগাঁৱৰ প্ৰতিদিন টাইমৰ সাংবাদিক তথা চিৰাং জিলা প্ৰেছ ক্লাবৰ সাধাৰণ সম্পাদক জয়ন্ত দেৱনাথক কালি আৰক্ষীয়ে কৰা আক্ৰমণৰ ঘটনাক কেন্দ্ৰ কৰি সমগ্ৰ অসমতে আজিও  সাংবাদিকসকলে প্ৰতিবাদ সাব্যস্ত কৰে। মূৰ আৰু অন্দকোষত বেয়াকৈ আঘাত প্ৰাপ্ত সাংবাদিক দেৱনাথ আজি দ্বিতীয় দিনাও বঙাইগাঁৱৰ ল'ৱাৰ আচাম হাস্পতালত চিকিৎসাধীন হৈ আছে । ইপিনে কৰ্তব্যৰত সাংবাদিক সকলৰ হৈ মাত মাতি অহা অসমৰ অন্যতম সংগঠন  অসম বাৰ্তাজীবী সংঘৰ ( Assam union of working jounalist's ) এটা প্ৰতিনিধি দলে আজি চিকিৎসালয়ত উপস্থিত হৈ সাংবাদিক জয়ন্ত দেৱনাথৰ স্বাস্থ্যৰ খা খবৰ লোৱাৰ লগতে ঘটনাৰ সবিশেষ বুজ লয় । সংঘৰ সাধাৰণ সম্পাদক মুকুট ৰাজ শৰ্মা , ওদালগুৰি জিলা সমিতিৰ সভাপতি অখিল কলিতা সহ এটি সজাতী দলে চিকিৎসালয়ত উপস্থিত হৈ খবৰ লয় । সংঘই  সাংবাদিক দেৱনাথৰ উন্নত চিকিৎসাৰ বাবে ব্যৱস্থা কৰিবলৈ অসম চৰকাৰক দাবী জনায়।লক্ষ্যণীয়ভাবে ঘটনাৰ সময়ত আৰক্ষী কনিষ্টবল জনে অকল মূৰতে নহয় তেওঁৰ অন্দকোষত বেয়াকৈ আক্ৰমণ কৰা বুলি  প্ৰতিনিধি দলটিক দেৱনাথে জানিব দিয়ে । ঘটনাৰ পিছত সাংবাদিক দেৱনাথে থানাত উপস্থিত হোৱাৰ এঘন্টা ধৰি চিকিৎসা নকৰি থানাত বহুৱাই থোৱা কাৰ্যকো সংঘই ধিক্কাৰ দিয়ে । লগতে অসম বাৰ্তাজীবী সংঘই শীঘ্ৰেই দোষী আৰক্ষীজনক দৃস্তান্তমূলক শাস্তি দিবলৈ দাবী জনাই ।🔯