🔯মৈত্ৰ আঁচনিৰ অধীনত চিৰাং জিলাৰ ঢালিগাঁও থানাৰ নৱনিৰ্মিত ভৱন উদ্বোধন

🔯মৈত্ৰ আঁচনিৰ অধীনত চিৰাং জিলাৰ ঢালিগাঁও থানাৰ নৱনিৰ্মিত ভৱন উদ্বোধন

🔯মে মাহৰ ভিতৰত ১৫ হাজাৰ আৰক্ষীৰ নিযুক্তি প্ৰক্ৰিয়া চলি আছে - ভাস্কৰজ্যোতি মহন্ত 

📝চিৰাংঃ১৫ ফেব্ৰুৱাৰীঃ মৈত্ৰী আঁচনিৰ অধীনত আজি চিৰাং জিলাৰ ঢালিগাঁও থানাৰ নৱনিৰ্মিত ভৱনটো অসম আৰক্ষীৰ সঞ্চালকপ্ৰধান ভাস্কৰজ্যোতি মহন্তই আনুষ্ঠানিকভাৱে উদ্বোধন কৰে। ঢালিগাঁও থানাৰ নৱনিৰ্মিত ভৱনৰ উদ্বোধনৰ লগত সংগতি ৰাখি এখন সভাও অনুষ্ঠিত  হয়। সভাত আদৰণি ভাষণ দিয়ে চিৰাং জিলাৰ আৰক্ষী অধীক্ষক প্ৰাণজিৎ বৰাই। আনহাতে আৰক্ষী সঞ্চালক প্ৰধান ভাস্কৰজ্যোতি মহন্তই নিজৰ ভাষণত কয় যে মৈত্ৰী আঁচনিৰ অধীনত নৱনিৰ্মিত ঢালিগাঁও থানাত সকলো ধৰণৰ সু-ব্যৱস্থা ৰখা হৈছে যাতে আৰক্ষী বিষয়া আৰু কৰ্মচাৰী সকলে সুস্থ ভাৱে জনসাধাৰণক সেৱা আগবঢ়াৱ পাৰে। তেওঁ উল্লেখ কৰে যে বৰ্তমান বিটিআৰত এক শান্তিৰ পৰিৱেশ বিৰাজ কৰিছে। ইয়াৰ বাবে আৰক্ষী প্ৰশাসনে বহু আত্ম বলিদান দিব লগা হৈছে। 

বিটিআৰৰ শান্তিৰ স্বাৰ্থত যিসকল যুৱক বন্ধু সকলে মূল সূতিলৈ ঘুৰি আহিছে তেওঁলোকক আইনৰ মাজত থাকি সমাজ গঢ়াৰ স্বাৰ্থত কাম কৰিলৈ আহ্বান জনাইছে । তেওঁ উল্লেখ কৰে যে ড০ হিমন্ত বিশ্ব শৰ্মাই বিত্তমন্ত্ৰী হৈ থাকোতে ২০১৬ চনৰ পৰাই এই আঁচনিৰ অধীনত অসমৰ থানাসমূহৰ আন্তঃগাঁথনি উন্নয়নৰ বাবে ব্যৱস্থা গ্ৰহণ কৰিছিল। যাৰ ফলস্বৰূপে অসমৰ প্ৰথম পৰ্য্যায়ত ৭৩ খন, দ্বিতীয় পৰ্য্যায়ত ৫৯ খন থানা নতুনকৈ নিৰ্মাণ কৰা হয় আৰু ২১৯ খন থানাৰ নৱনিৰ্মাণৰ কাম চলি আছে। ঢালিগাঁও থানাখন কাজলগাঁও থানা হিচাপে নামাকৰণ কৰাৰ বাবে আৰক্ষী বিভাগৰ ফালৰ পৰা চৰকাৰলৈ পত্ৰ প্ৰেৰণ কৰা হৈছে বুলিও কয় ৷ সেইদৰে আৰক্ষী আৰু জনসাধাৰণৰ মাজত সু-সম্পৰ্ক বজাই ৰখাৰ বাবে আৰক্ষীসকলক প্ৰশিক্ষণ প্ৰদান কৰা হৈ আছে বুলি কৈ অসমৰ বিভিন্ন প্ৰান্তৰ থানাসমূহত আৰক্ষীৰ অভাৱ দূৰ কৰাৰ বাবে অহা মে মাহৰ ভিতৰত ১৫ হাজাৰ আৰক্ষীৰ নিযুক্তি প্ৰক্ৰিয়া চলি আছে বুলিও উল্লেখ কৰে ৷ 

তেওঁ এই নিযুক্তি প্ৰক্ৰিয়াত কোনো ধৰণৰ দুৰ্নীতি নহ'ব বুলিও কয় ৷ তাৰোপৰি  অসমত কামাণ্ড বাহিনীৰ বাবে অতি সোনকালে ৫ হাজাৰ যুৱক - যুৱতীৰ নিযুক্তি প্ৰক্ৰিয়া আৰম্ভ হ'ব বুলি কৈ তেওঁ কয় যে দুৰ্নীতি আৰু আইন বিৰোধী সকলৰ বিৰুদ্ধে আৰক্ষীয়ে সদায় কঠোৰভাৱে কাম কৰি যাব। লগতে তেওঁ বিটিআৰ অঞ্চলৰ সকলোকে আইনৰ ভিতৰত থাকি এই শান্তিৰ পৰিৱেশ বজাই ৰাখিবলৈ সকলোকে আহ্বান জনায় ৷ সভাত  বিশেষ আৰক্ষী সঞ্চালক প্ৰধান তথা আৰক্ষী মহাপৰিদৰ্শক ( বিটিএডি) ড০ এল. আৰ বিষ্ণই, বঙাইগাঁওস্থিত পশ্চিম সংমণ্ডলৰ আৰক্ষী মহাপৰিদৰ্শক(WR) দিলীপ কুমাৰ দে, বঙাইগাঁৱৰ সশস্ত্ৰ সীমা বলৰ উপ আৰক্ষী মহাপৰিদৰ্শক, কেন্দ্ৰীয় ৰিজাৰ্ভ আৰক্ষী বাহিনীৰ উপ আৰক্ষী মহাপৰিদৰ্শক, চিদলী বিধান সভা সমষ্টিৰ বিধায়ক জয়ন্ত বসুমতাৰী, কাজলগাঁও পৌৰ সভাৰ সভাপতি ৰনগৌৰা নাৰ্জাৰী আৰু চিৰাং জিলাৰ উপায়ুক্ত নৰেন্দ্ৰ কুমাৰ শ্বাহ আদি উপস্থিত থাকে ৷🔯