🔯চিৰাঙত আমছুৰ ৪২ সংখ্যক প্ৰতিষ্ঠা দিৱস🔯

🔯চিৰাঙত আমছুৰ ৪২ সংখ্যক প্ৰতিষ্ঠা দিৱস🔯

🔯ড্ৰাগছ, বাল্য বিবাহৰ বিৰুদ্ধে সজাগতা সামূহিক দৌৰ🔯

📝News4Bongaigaon: ৩০ মাৰ্চঃ সদৌ অসম সংখ্যালঘু ছাত্ৰ ইউনিয়ন চমুকৈ আমছুৰ ৪২ সংখ্যক প্ৰতিষ্ঠা দিৱস চিৰাং জিলাৰ তুলসীঝৰাত বুধবাৰৰ পৰা দুদিনীয়াকৈ আৰম্ত হৈছে ৷ প্ৰতিষ্ঠা দিৱসৰ প্ৰথম কাৰ্যসূচী অনুসৰি চিৰাঙৰ চাপাগুৰি চাৰিআলি চ'কত এক সজাগতা দৌৰ আৰম্ভ কৰা হয় ৷ বাল্য বিবাহ ৰোধ, ড্ৰাগছ মুক্ত সমাজ গঢ়াৰ লগতে সকলোৰে বাবে শিক্ষা গঢ়ি তোলাৰ উদ্দেশ্যে চাপাগুৰিৰ পৰা বৰতালোৱা হৈ তুলসীঝৰা লৈ সামূহিক দৌৰ উলিওৱা হয় ৷ এই সজাগতামূলক সামূহিক দৌৰ মুকলি কৰে চিৰাং জিলাৰ আৰক্ষী অধীক্ষক প্ৰাণজিত বৰাই ৷ সজাগতা মূলক সামূহিক দৌৰ আৰম্ভ হোৱাৰ পূৰ্বে আমছুৱে প্ৰস্তত কৰি উলিওৱা আৰু কন্ঠ  শিল্পী নেকিব আহমেদে কন্ঠদান কৰা বাল্য বিবাহ, ড্ৰাগছ সজাগতা আৰু শিক্ষা সজাগতা গীতটো উন্মোচন কৰে বঙাইগাঁৱৰ জ্যেষ্ঠ সাংবাদিক, জাফাৰ কেন্দ্ৰীয় সভাপতি অভিদ্বীপ চৌধুৰীয়ে ৷ চিৰাঙৰ আৰক্ষী অধীক্ষক প্ৰাণজিত বৰাই  সম্প্ৰতি সমাজত ড্ৰাগছৰ প্ৰচলন, সৰবৰাহ হৈ থকাত যুৱ প্ৰজন্ম ধ্বংসৰ মুখলৈ গতি কৰাত ইয়াৰ বাবে আমছুৱে সজাগতাৰ বাবে পদক্ষেপ গ্ৰহণ কৰাত শলাগ লয় ৷ ইপিনে আমছুৰ সভাপতি ৰেজাউল কৰিম সৰকাৰে সংখ্যালঘু সমাজৰ পৰা বাল্য বিবাহ ৰোধ কৰা আৰু সমাজৰ পৰা ড্ৰাগছ মুক্ত কৰাৰ বাবে আমছুৱে কাম কৰি আহিছে বুলি মত ব্যক্ত কৰে ৷🔯