🔯বঙাইগাঁৱত ব্ৰেইন টিবি ৰোগত আক্ৰান্ত চতুৰ্থ শ্ৰেণীৰ ছাত্ৰ ৰোহিত🔯

🔯বঙাইগাঁৱত ব্ৰেইন টিবি ৰোগত আক্ৰান্ত চতুৰ্থ শ্ৰেণীৰ ছাত্ৰ ৰোহিত🔯 

🔯চিকিৎসাৰ বাবে নাই ধনঃ  সহায় বিচাৰি আবেদন পৰিয়ালৰ🔯

📝বঙাইগাঁওঃ ২৮ মাৰ্চঃ  বঙাইগাঁৱৰ ৰোহিত চৌধুৰী নামৰ চতুৰ্থ শ্ৰেণীৰ ছাত্ৰ এগৰাকী শেহতীয়াভাৱে ব্ৰেইন টিবি ৰোগত আক্ৰান্ত হৈ স্থানীয় এখন চিকিৎসালয়ত চিকিৎসাধীন হৈ আছে যদিও ছাত্ৰগৰাকীৰ পৰিয়াল আৰ্থিকভাৱে স্বচ্ছল নোহোৱাত সমস্যাত পৰিছে ৷ উল্লেখ্য যে ১১ মাৰ্চত এই ছাত্ৰগৰাকীক বঙাইগাঁৱৰ ল’ৱাৰ আছাম হস্পিতাল এণ্ড ৰিছাৰ্ছ চেন্টাৰত ভৰ্ত্তি কৰা হয় যদিও ছাত্ৰ গৰাকীৰ স্বাস্থ্যৰ কোনো উন্নতি ঘটা নাই ৷ ইপিনে চিকিৎসাৰ বাবদ খৰচ কৰিবলৈ সামৰ্থ নাই ছাত্ৰ গৰাকীৰ পৰিয়ালৰ ৷ ৬  বছৰ বয়সতে মাতৃক হেৰুওৱা ছাত্ৰ গৰাকীৰ পিতৃ মহেন্দ্ৰ চৌধুৰী চাহৰ দোকানত দৈনিক হাজিৰা হিচাপে কাম কৰে যদিও পৰিয়ালটোক পোহপাল দিবলৈকেও সক্ষম হোৱা নাই ৷ গতিকে চিকিৎসাৰ খৰচ বহন কৰাটো কোনো মতে সম্ভৱ নহয় পিতৃৰ ৷ উল্লেখ্য যে ৰোহিতৰ স্বাস্থ্যৰ অৱস্থাৰ অৱনতিৰ প্ৰতি লক্ষ্য কৰি ওচৰ চুবুৰীয়া কেইজনমান যুৱকে জৰুৰী কালীন ভাবে যোৱা ১১ মাৰ্চত  বঙাইগাঁৱৰ ল’ৱাৰ আছাম চিকিৎসা কেন্দ্ৰত ভৰ্ত্তি কৰিছিল  । উক্ত চিকিৎসা কেন্দ্ৰত চিকিৎসা অব্যাহত আছে যদিও স্বাস্থ্যৰ কোনো উন্নতি ঘটা নাই ৰোহিতৰ ৷ যাৰ বাবে ৰোহিতৰ উন্নত চিকিৎসাৰ অতি প্ৰয়োজন হৈ পৰিছে ৷  উন্নত চিকিৎসাৰ বাবে বাহিৰত লৈ যোৱাৰ সামৰ্থ নাই ৰোহিতৰ পিতৃৰ । উন্নত চিকিৎসাৰ খৰচ বহন কৰা দূৰৰে কথা বৰ্তমান চিকিৎসাধীন হৈ থকা  ল’ৱাৰ আছাম  চিকিৎসালয়ৰে বিল দিবলৈ সামৰ্থ নাই ৷ ৰোহিতৰ স্বাস্থ্যৰ এনে জটিল অৱস্থা এক গভীৰ উদ্বেগৰ  বিষয় হৈ পৰিছে পৰিয়ালোৰ বাবে ৷ মাতৃহাৰা ৰোহিতৰ এজনী ভনীও আছে ৷ পিতৃ চাহৰ দোকানত কাম কৰাৰ বাবে ভনীয়েকক চোৱা চিতাৰ দায়িত্বও পালন  কৰিছিল ৰোহিতে ৷  এনে অৱস্থাত কোনো ব্যক্তি অথবা সংস্থাই আগবাঢ়ি নাহিলে ৰোহিতৰ উন্নত চিকিৎসা কৰাটো সম্ভৱপৰ নহ'ব ৷ কোনোৱা ব্যক্তি অথবা সংস্থাই অসহায় ৰোহিতক সহায় কৰিব বিচাৰিলে শম্ভু চৌধুৰী , বেংক একাউণ্ট নম্বৰ - ৩০৮০৯১৯১৩০১, ভাৰতীয় ষ্টেট বেংক , নিউ বঙাইগাঁও শাখা, আইএফএছচি : এচবিআইএন ০০৭৯৯৭ এই একাউণ্ট যোগে সহায় কৰিব পাৰে অথবা ৯৯৫৪৯২৯৮৪৯ নম্বৰ মোবাইলত শম্ভু চৌধুৰীৰ সৈতে যোগাযোগ কৰিবলৈ অনুৰোধ জনাইছে পিতৃয়ে ৷ আপোনাৰ সহায়ৰ দ্বাৰা হয়তো মাতৃহাৰা এই অসহায় ছাত্ৰ গৰাকীক সুস্থ কৰিবলৈ সমৰ্থ হ'ব ৷ উল্লেখ যে নিউ বঙাইগাঁও বাবা ৰাম গিৰী শান্তি হিন্দী প্ৰাথমিক বিদ্যালয়ত অধ্যায়নৰত ৰোহিতৰ ঘৰ হৈছে নিউ বঙাইগাঁও বিজি ক’লনীৰ ৰেলৱে আৱাসিক এলেকাত ৷🔯