🔯বঙাইগাঁও জিলাত ১২-১৪ বছৰ বয়সৰ ল'ৰা-ছোৱালীক কোভিড ভেকচিন প্ৰদানৰ শুভাৰম্ভণি🔯

🔯বঙাইগাঁও জিলাত ১২-১৪ বছৰ বয়সৰ ল'ৰা-ছোৱালীক কোভিড ভেকচিন প্ৰদানৰ শুভাৰম্ভণি🔯

📝বঙাইগাঁওঃ১৬ মাৰ্চ: সমগ্ৰ ৰাজ্যৰ লগতে বঙাইগাঁও জিলাতো বুধবাৰৰ পৰা আৰম্ভ হ'ল ১২ - ১৪ বছৰ বয়সৰ ল'ৰা - ছোৱালীক কোভিড ভেকচিন প্ৰদান কাৰ্যসূচী ৷ এই উপলক্ষে বঙাইগাঁৱৰ পুৰণি বঙাইগাঁও উচ্চ বুনিয়াদী বিদ্যালয়ত জিলা স্বাস্থ্য সমিতিৰ উদ্যোগত  অনুষ্ঠিত এক অনুষ্ঠানত জিলা উপায়ুক্ত ডাঃ এম এছ লক্ষ্মীপ্ৰিয়াই আনুষ্ঠানিকভাৱে জিলাখনত এই ভেকচিন প্ৰদান কাৰ্যসূচীৰ শুভাৰম্ভ কৰে ৷ অনুষ্ঠানত জিলা স্বাস্থ্য বিভাগৰ যুটীয়া সঞ্চালক ডাঃ ভূপেন বৈশ্য, বিদ্যালয়খনৰ শিক্ষক - শিক্ষয়িত্ৰীসকলৰ লগতে স্বাস্থ্য বিভাগৰ আন আন বিষয়াসকল উপস্থিত থাকে ৷ বঙাইগাঁও জিলাত স্বাস্থ্য বিভাগে ১২ - ১৪ বছৰ বয়সৰ প্ৰায় ৫০ হাজাৰ ল'ৰা- ছোৱালীক কোভিড প্ৰতিষেধ হিচাপে 'ক'ৰ্বেভেক্স' প্ৰদান কৰিবলৈ সাজু হৈছে ৷ 

উল্লেখ্য যে ৰাজ্যখনত বৰ্তমান কোভিডৰ সংক্ৰমণ কিছু হ্ৰাস পাইছে যদিও ভৱিষ্যতে যে পুনৰ বৃদ্ধি নাপাব তাৰ শংকা দূৰ হোৱা নাই ৷ সেয়ে তাৰ প্ৰতি লক্ষ্য ৰাখিয়েই চৰকাৰে গ্ৰহণ কৰিছে এই পদক্ষেপ ৷ ফলত দেশৰ ভৱিষ্যত প্ৰজন্মক সুৰক্ষিত কৰাত বুধবাৰৰ পৰা আৰম্ভ হোৱা এই নতুন যাত্ৰাই প্ৰদান কৰিছে এক নতুন মাত্ৰা ৷ ইপিনে আজাদী কা অমৃত মহোৎসৱৰ লগত সংগতি ৰাখি বুধবাৰে নেচনেল ভেকচিনেচন ডে উদযাপন কৰা হয় ৷ এই দিৱসৰ লগত সংগতি ৰাখি ইতিমধ্যে হৈ যোৱা পালচ পলিঅ' প্ৰতিষেধক প্ৰদান কাৰ্যসূচীত উৎকৃষ্ট সেৱা আগবঢ়োৱা বঙাইগাঁও বঙাইগাঁও জিলাৰ চাৰিটা খণ্ড প্ৰাথমিৰ স্বাস্থ্য কেন্দ্ৰৰ অন্তৰ্গত দুগৰাকী আশাকৰ্মী আৰু একোগৰাকী এ এন এমক প্ৰশংসা পত্ৰ আৰু এখনকৈ ফুলাম গামোচাৰে সম্বৰ্ধনা জনোৱা হয় ৷🔯