🔯বঙাইগাঁও জিলাৰ আই- মানাহ নদীত চলি থকা অবৈধ খনন কাৰ্য বন্ধ কৰা, নদীৰ পাৰত মথাউৰি নিৰ্মাণ আৰু ডাম্পাৰৰ দৌৰাত্ম্য বন্ধ কৰাৰ দাবীত আমছুৰ প্ৰতিবাদী কাৰ্যসূচী ৰূপায়ণ🔯

🔯বঙাইগাঁও জিলাৰ আই- মানাহ নদীত চলি থকা অবৈধ খনন কাৰ্য বন্ধ কৰা, নদীৰ পাৰত মথাউৰি নিৰ্মাণ আৰু ডাম্পাৰৰ দৌৰাত্ম্য বন্ধ কৰাৰ দাবীত আমছুৰ প্ৰতিবাদী কাৰ্যসূচী ৰূপায়ণ🔯

🔯বন বিভাগ আৰু পৰিবহন বিভাগৰ ছত্ৰছায়াত বালি, শিল আৰু মাটিৰ এক বৃহৎ চিণ্ডিকেট চলি আছে - ৰেজাউল কৰিম সৰকাৰ🔯

🔯মুখ্যমন্ত্ৰীলৈ স্মাৰক পত্ৰ প্ৰেৰণ🔯

📝বঙাইগাঁওঃ ১৬ মাৰ্চ : বঙাইগাঁও জিলাৰ আই, মানাহ আদি নদীত চলি থকা অবৈধ খনন কাৰ্য বন্ধ কৰা, নদীৰ পাৰত থকা মথাউৰিসমূহ পুনৰ নিৰ্মাণ কৰা আৰু বঙাইগাঁও জিলাত ডাম্পাৰৰ দৌৰাত্ম্য বন্ধ কৰাৰ দাবীত বুধবাৰে সদৌ অসম সংখ্যালঘু ছাত্ৰ ইউনিয়নৰ (আমছু) বঙাইগাওঁ জিলা সমিতিয়ে এক অৱস্থান ধৰ্মঘট কাৰ্যলূচী ৰূপায়ণ কৰে ৷ বঙাইগাঁও চহৰৰ পাগলাস্থানৰ ৰে’লৱে ৱৰ্কশ্বপৰ সন্মুখত ৰূপায়ণ কৰা দুঘণ্টীয়া  প্ৰতিবাদী কাৰ্যসূচীত আমছুৰ জিলা সমিতিৰ সভাপতি - সাধাৰণ সম্পাদককে ধৰি বিষয়ববীয়া আৰু কৰ্মীসকলৰ লগতে কেন্দ্ৰীয় সমিতিৰ সভাপতি ৰেজাউল কৰিম সৰকাৰে অংশ গ্ৰহণ কৰে ৷ প্ৰতিবাদী কাৰ্যসূচীত অংশগ্ৰহণ কৰাসকলে হাতে হাতে বিভিন্ন প্লেকাৰ্ড লৈ অবৈধ খনন বন্ধ কৰক, বন বিভাগ মুৰ্দাবাদ, জিলা প্ৰশাসন গ' বেক, জিলা প্ৰশাসন মুৰ্দাবাদ, আই নদীৰ পাৰত মথাউৰি নিৰ্মাণ কৰক, ডি এফ অ সুবোধ তালুকদাৰ মুৰ্দাবাদ, পৰিবহন বিভাগ হায় হায়, ডাম্পাৰৰ দৌৰাত্ম্য বন্ধ কৰক, বঙাইগাঁও বন বিভাগ হায় হায় , বিজেপি চৰকাৰ মুৰ্দাবাদ আদি শ্লোগানেৰে পৰিৱেশ উত্তাল কৰি তোলে ৷ মূলত আমছুৱে জিলা প্ৰশাসন, বন বিভাগ আৰু পৰিবহন বিভাগৰ বিৰুদ্ধে এই প্ৰতিবাদী কাৰ্যসূচী ৰূপায়ণ কৰে ৷ কাৰ্যসূচীৰ অন্তত জিলা আমছুৱে উপৰোক্ত দাবীত জিলা উপায়ুক্তৰ জৰিয়তে মুখ্যমন্ত্ৰীলৈ এখন স্মাৰক পত্ৰ প্ৰেৰণ কৰে ৷ ইপিনে প্ৰতিবাদী কাৰ্যসূচীত অংশ গ্ৰহণ কৰি আমাছুৰ সভাপতি ৰেজাউল কৰিম চৰকাৰে সংবাদ মাধ্যমৰ আগত অভিযোগ কৰি কয় যে অসমৰ ভিতৰত বঙাইগাঁও জিলা এখন গৰাখহনীয়াৰ কৱলত পৰা জিলা ৷ প্ৰতি বছৰে খহনীয়াৰ ফলত বহু লোক গৃহহীন হয়৷ যিসময়ত খহনীয়া প্ৰতিৰোধ কৰাৰ কাৰণে নদীসমূহত বান্ধ দিয়াৰ ব্যৱস্থা কৰিব লাগে আৰু যিসময়ত আমি মথাউৰি নিৰ্মাণৰ বাবে দাবী উত্থাপন কৰি আহিছো, সেই সময়ত বঙাইগাঁও জিলা উপায়ুক্তৰ নিৰ্লিপ্ততা তথা নীৰৱ ভূমিকাৰ কাৰণে জিলাখনত নদীৰ বালি, শিল আৰু মাটিৰ এক বৃহৎ চিণ্ডিকেট চলি আছে ৷ ব্ৰহ্মপুত্ৰই হওক কিম্বা চম্পা বা আই নদীয়েই হওক যোগীঘোপাৰ পৰা আৰম্ভ কৰি বিজনীৰ মানাহ, বঙাইগাঁও জিলাৰ হাপাছাৰা, ৰাখালডুবি  সকলোতে এক অসাধু চক্ৰই অবৈধ বালিৰ খনন কৰি চিণ্ডিকেট চলাই  আহিছে ৷ যাৰ ফলত এইবাৰ বানপানী আহিলে যে হাজাৰ হাজাৰ লোক গৃহহীন হ'ব সেয়া খাটাং ৷ গতিকে এই অবৈধভাৱে যি খনন কাৰ্য চলি আছে সেয়া আমি বন্ধ কৰিবলৈ দাবী উত্থাপান কৰিছো ৷ আমি দেখিবলৈ পাইছো যে এই অবৈধ খনন কাৰ্যৰ লগত বঙাইগাঁও জিলা প্ৰশাসন বিশেষকৈ ডি এফ অ আৰু পৰিবহন বিভাগৰ ছত্ৰছায়াতে এই কাৰ্য চলি অহা বুলিও অভিযোগ কৰে ৷ 

আমছুৰ সভাপতিগৰাকীয়ে অভিযোগ কৰা মতে বন বিভাগ আৰু পৰিবহন বিভাগক মাহেকত ধন দিব লাগে ৷ গতিকে এই চিণ্ডিকেটৰাজ বন্ধ হ'ব লাগিব ৷ মুখ্যমন্ত্ৰী ডঃ হিমন্ত বিশ্ব শৰ্মাই কৈছে যে অসমত চিণ্ডিকেটৰাজ নচলিব, কিন্তু মই মুকলিভাৱে প্ৰত্যাহ্বান জনাইছো যে ইয়াত মুখ্যমন্ত্ৰীৰ তদাৰকী শাখাক তদন্ত কৰিব দিয়ক ,বঙাইগাঁও জিলাত ৰাষ্ট্ৰীয় ঘাই পথ নিৰ্মা‌ৰ নামত ,বিভিন্ন কাম কাজৰ নামত যে ব্যাপকহাৰত মাটি ,বালি আৰু শিলৰ নামত চিণ্ডিকেট চলোৱা হৈছে ওলাই পৰিব ৷ চিইচি, আৰচিবি এছপি চিঙলা কনষ্ট্ৰাকচন প্ৰাইভেট লিমিটেড আদি কোম্পানীয়ে ৰাখালডুবিৰ পৰা যোগীঘোপালৈ যি পথৰ কাম চলি আছে এই কোম্পানীসমূহে জিলা প্ৰশাসনৰ লগত মিলি অসম চৰকাৰক ৯০ শতাংশ কৰ ফাঁকি দি মাটি, বালি আৰু শিল কঢ়িয়াই আহিছে ৷ গতিকে চৰকাৰক যদি এই কোম্পানীসমূহে ৯০ শতাংশ কৰ ফাঁকি দি আহিছে, তেতিয়াহলে নিশ্চয় ইয়াৰ সৈতে বন বিভাগ, পৰিবহন বিভাগ আৰু জিলা প্ৰশাসন জড়িত থাকিব লাগিব বুলিও অভিযোগ কৰে ৷ সেয়ে আমি মুখ্যমন্ত্ৰীক এই কোম্পানীসমূহে যে অবৈধভাৱে কাম কৰি আছে আৰু কৰ ফাঁকি দি আহিছে তাৰ বিৰুদ্ধে তদন্ত কৰি ব্যৱস্থা গ্ৰহণ কৰিবলৈ দাবী জনাইছো ৷ আনহাতে ডাম্পাৰৰ দৌৰাত্ম্য বন্ধ কৰিবলৈকো দাবী জনাই সভাপতিগৰাকীয়ে কয় যে এই কোম্পানীসমূহে কাৰো কথা নুশুনে ৷ তেওঁলোকে কয় আমি ওপৰৰ পৰা অনুমতি লৈ আহিছো ৷ দিনে - ৰাতি ২৪ ঘ‌ণ্টাই কোনো নীতি নিয়ম অবিহনে ডাম্পাৰবোৰ চলাই আহিছে ৷ ইতিমধ্যে এই ডাম্পাৰৰ দৌৰাত্ম্যত যোগীঘোপা আৰু ৰাখালডুবিত কেইবাজনো লোকৰ মৃত্যু হোৱাৰ লগতে আহত হ'বলগীয়া হৈছে ৷ এই কোম্পানীসমূহক অচিৰে নাকি লগাব লাগিব আৰু অবৈধ খনন কাৰ্য বন্ধ হ'ব লাগিব ৷ লগতে বন বিভাগ আৰু পৰিবহন বিভাগে যি চিণ্ডিকেটৰাজ চলাই আহিছে তাৰ তদন্ত হ'ব লাগিব ৷ অন্যথা এই ধৰ্ণা কাৰ্যসূচীৰ পিচত আমি ৰাষ্ট্ৰীয় ঘাই পথ অৱৰোধ কাৰ্যসূচী ৰূপায়ণ কৰিম ৷ সেইদৰে এই যি বহিৰাগত কোম্পানীসমূহে চিণ্ডিকেটৰাজ চলাই চৰকাৰক কৰ ফাঁকি দি আহিছে সেই কোম্পানীসমূহতো তলা লগোৱাৰ ব্যৱস্থা কৰিব বুলিও হুংকাৰ দিছে আমছুৰ সভাপতিগৰাকীয়ে ৷ উল্লেখ্য যে অসমৰ মুখ্যমন্ত্ৰীলৈ প্ৰেৰণ কৰা স্মাৰকপত্ৰত জিলা সমিতিিয়ে বঙাইগাওঁ জিলাৰ মানিকপুৰ  মহকুমাৰ অন্তর্গত আই নৈ আৰু মানাহ নৈত একাংশ অসাধু ব্যৱসায়ীয়ে অবৈধ বালিৰ খনন অব্যাহত ৰাখিছে বুলি উল্লেখ কৰিছে ৷ তদুপৰি মানাহ নৈৰ কাষতে থকা শিলঘাগৰী গাঁৱৰ সুৰক্ষাৰ বাবে নির্মাণ কৰা মথাউৰি কাটি ট্ৰেক্টৰ অহা যােৱা কৰাৰ পথ নির্মাণ কৰি লৈছে,যিটো বাৰিষা অহাৰ লগে লগেই গাওঁবাসীৰ বাবে এক ভাবুকিৰ সৃষ্টি হ’ব আৰু এই ক্ষেত্ৰত মথাউৰিৰ দাঁতিকাষৰীয়া ৰাইজে প্রতিবাদ কৰাত ছফিউৰ ৰহমানৰ নামৰ এগৰাকী শিক্ষকে দাবি ধমকি দি তেওঁলোকে হেনো বন বিভাগক মাহে মাহে ধন দি এনে কাম কৰি আহিছে বুলি প্ৰকাশ কৰিছে৷ ইপিনে আই নৈতাে মথাউৰি কাটি একাংশ মানৱৰূপী দানৱে দিনে ৰাতি অবৈধভাৱে বালিৰ ছিণ্ডিকেট চলাই গৈছে ৷ 

অন্যহাতে অতিৰিক্ত ভাৱে মাল ভর্তি(Over loading) কৰি ডাম্পাৰৰ দৌৰাত্ম্য অব্যাহত ৰাখিছে,ফলত বহু পথচাৰী সঘনাই পথ দূর্ঘটনাৰ সন্মুখীন হ’ব লগা হৈছে।একেদৰে জিলাখনত চলি থকা ৰাষ্ট্ৰীয় ঘাইপথ নির্মাণৰ বাবে প্রয়ােজন হােৱা শিল,বালি, মাটি আদিৰ বাবে ঘাইপথ নির্মাণ কৰিবলৈ ঠিকা লােৱা চিইচি(CEC), আৰচিবি(RCB),এছপি ছিঙলা কনচষ্টাকচন প্ৰা:লি: (SP Singla Constructions Pvt Ltd) আদি কোম্পানী সমূহে চালান বিহীন ভাৱে অর্থাৎ চৰকাৰৰ ৰাজহ ফাঁকি দি এই নির্মাণ কাৰ্য চলাই গৈছে বুলি স্মাৰকপত্ৰত উল্লেখ কৰিছে ৷ জিলা সমিতিয়ে লগতে বঙাইগাওঁ জিলাৰ মানিকপুৰ উন্নয়ন খণ্ডৰ অন্তৰ্গত আই নৈ আৰু মানাহ নৈত চোৰাং ভাৱে চলি থকা অবৈধ খনন কাৰ্য বন্ধ কৰাত যথােপযুক্ত ব্যৱস্থা গ্ৰহণ কৰা, আই নৈ আৰু মানাহ নৈৰ কাষতে থকা মথাউৰি সমূহ পুনৰ নিৰ্মাণ কৰাত লগতে মথাউৰি ওপৰেদি যান বাহন চলাচল কৰিব পৰাকৈ ৰাস্তা নির্মাণৰ ব্যৱস্থা গ্ৰহণ কৰা,ৰাষ্ট্ৰীয় ঘাইপথ নির্মাণৰ নামত বহি:ৰাজ্যৰ কোম্পানী সমূহে যি ৰাজহ ফাঁকি দি শিল,বালি,মাটিৰ যােগান লৈছে সেয়া তদন্ত কৰি তাৰ বিৰুদ্ধে ব্যৱস্থা গ্ৰহণ কৰা আৰু বঙাইগাওঁ জিলাত অতিৰিক্ত ভাৱে (Over loading) মাল কঢ়িয়াই নিয়া ডাম্পাৰৰ দৌৰাত্ম্য বন্ধ কৰাৰ দাবী উত্থাপন কৰি এই সমস্য সমাধানৰ বাবে গণতান্ত্রিক পদ্ধতিত দুঘণ্টীয়া অৱস্থান ধর্মঘট কাৰ্যসূচী ৰূপায়ণ কৰা বুলিও উল্লেখ কৰিছে ৷ ছাত্ৰ সংগঠনটোৱে উত্থাপন কৰা দাবী সমুহ অতিশীঘ্ৰে সমাধান কৰি প্রাকৃতিক সম্পদৰ সুৰক্ষা প্ৰদান কৰাৰ লগতে বঙাইগাঁওবাসী ৰাইজক সকাহ দিবলৈও মুখ্যমন্ত্ৰীগৰাকীক আহ্বান জনাইছে।🔯