🔯কাজলগাঁও পৌৰসভাৰ নৱনিৰ্মিত কাৰ্যালয় উদ্বোধন কৰিলে বি টি আৰৰ মুখ্য কাৰ্যবাহী সদস্য প্ৰমোদ বড়োৱে🔯

🔯কাজলগাঁও পৌৰসভাৰ নৱনিৰ্মিত কাৰ্যালয় উদ্বোধন কৰিলে বি টি আৰৰ মুখ্য কাৰ্যবাহী সদস্য প্ৰমোদ বড়োৱে🔯

📝কাজলগাঁওঃ ১৫ মাৰ্চঃ চিৰাং জিলা সদৰ কাজলগাঁৱত মঙলবাৰে ২০১৭-১৮  বৰ্ষৰ এছ অ পি ডি আচনিৰ অধীনত ১,৩৭,৩৭,৫০০ টকা ব্যয়ৰে কাজলগাঁও পৌৰসভাৰ নৱনিৰ্মিত কাৰ্যালয়টো বি টি আৰৰ মুখ্য কাৰ্যবাহী সদস্য প্ৰমোদ বড়োৱে উদ্বোধন কৰে। কাজলগাঁও পৌৰ সভাৰ নৱনিৰ্মিত কাৰ্যালয় উদ্বোধনৰ লগত সংগতি ৰাখি এখন সভা পৌৰসভা কাৰ্যালয়ৰ সভাকক্ষত অনুষ্ঠিত হয়। সভাত আদৰণি ভাষণ দিয়ে কাজলগাঁও পৌৰ সভাৰ সভাপতি ৰনগৌৰা নাৰ্জাৰীয়ে। বিটিআৰৰ মুখ্য কাৰ্যবাহী সদস্য প্ৰমোদ বড়োই তেওঁৰ ভাষণত কয় যে ২০১৪ চনত গঠন হোৱা কাজলগাঁও পৌৰ সভাৰ এটা স্থায়ী কাৰ্যালয় ৰাইজে আজি পাবলৈ সক্ষম হৈছে। কাজলগাঁও এখন উন্নয়নমুখী নগৰ। অহা ৫০ বছৰৰ বাবে এই কাজলগাঁও নগৰক এক সুপৰিকল্পিত ভাৱে গঢ়ি তুলিবৰ বাবে সকলো শ্ৰেণীৰ ৰাইজৰ পৰামৰ্শ গ্ৰহণ কৰিবলৈ তেও পৌৰ সভাৰ কতৃপক্ষক পৰামৰ্শ দিয়ে। অসম চৰকাৰৰ লগতে বিটিআৰ প্ৰশাসনে গ্ৰহণ কৰা বিভিন্ন উন্নয়ন মূলক আঁচনি সমূহৰ সঠিক ৰূপায়ণ কৰি নগৰখনৰ আন্তঃগাঁথনি উন্নয়নৰ বাবে ব্যৱস্থা গ্ৰহণ কৰিবলৈও তেওঁ আহ্বান জনায় ৷

তেওঁ লগতে কয় সভা সমিতি পতাৰ বাবে প্ৰায় ১৫০ জন মানুহ বহিব পৰাকৈ বিটিআৰৰ পাঁচখন জিলা সদৰত এটাকৈ ক্ষুদ্ৰ প্ৰেক্ষাগৃহ নিৰ্মাণ কৰা হ'ব। লগতে বিটিআৰত বৰ্তমান যি এক শান্তিৰ পৰিৱেশ বিৰাজ কৰিছে তাক বজাই ৰাখিবলৈ সকলোকে আহ্বান জনায়। ভাষণত বিটিআৰৰ নগৰ উন্নয়ন বিভাগৰ কাৰ্য্যবাহী সদস্য উইলছন হাসদাই কাজলগাঁও পৌৰ সভাক জনসাধাৰণৰ উদ্দেশ্য উসৰ্গা কৰে। তেওঁ কয় যে জনসাধাৰণৰ সমস্যা সমাধানত এই পৌৰসভাই এক বিশেষ ভূমিকা গ্ৰহণ কৰিব। সভাত বিটিআৰৰ বন আৰু ভূমি বিভাগৰ কাৰ্যবাহী সদস্য ৰঞ্জিত বসুমতাৰী, পৰিষদীয় সদস্য ক্ৰমে সাইখং বসুমতাৰী, মাধৱ চন্দ্ৰ ছেত্ৰী, চিদলী ৰাজহ চক্ৰৰ চক্ৰ বিষয়া অমিত ৰঞ্জন বৰ্মন, পৌৰসভাৰ বিভিন্ন বিষয়া কৰ্মচাৰী আৰু ৰাইজ উপস্থিত থাকে 🔯৷