🔯বঙাইগাঁৱৰ বিদ্যাপুৰত জুৱাখেলৰ সামগ্ৰীসহ চাৰি জুৱাৰী আটক🔯

🔯বঙাইগাঁৱৰ বিদ্যাপুৰত জুৱাখেলৰ সামগ্ৰীসহ চাৰি জুৱাৰী আটক🔯

📝বঙাইগাঁওঃ ২২ মাৰ্চঃ  বঙাইগাঁও জিলাৰ বিদ্যাপুৰ আৰক্ষীয়ে যোৱা নিশা জুৱাখেলৰ আপত্তিজনক সামগ্ৰীসহ অঞ্চলটোৰ চাৰিজন জুৱাৰীক  আটক কৰিবলৈ সক্ষম হয় । উল্লেখ্য যে দীৰ্ঘদিন ধৰি বিদ্যাপুৰ আৰক্ষী চকী এলেকাত জুৱাৰ অবাধ বেহা চলি থকাৰ অভিযোগ উত্থাপিত হৈছিল । অঞ্চলটোৰ একাংশ জুৱাৰীয়ে জুৱাখেল বহুৱাই পৰিৱেশ বিনষ্ট কৰি আহিছে । কালিও অঞ্চলটোৰ কেইজনমান জুৱাৰীয়ে জুৱাখেলৰ সামগ্ৰী লৈ জুৱাখেল বহুৱাবলৈ এঠাইলৈ গৈ থকা অৱস্থাতে বিদ্যাপুৰ আৰক্ষীয়ে গোপন সূত্ৰৰ খবৰৰ ভিত্তিত তালাচী চলাই আৰক্ষী চকীটোৰ অন্তৰ্গত  নানকাৰগাৱঁৰ পথত এ এছ ১৯ এ চি ৩১৮৪ বাহনৰ পৰা জুৱাখেলৰ আপত্তিজনক সামগ্ৰীৰ সৈতে চাৰিজন জুৱাৰীক আটক কৰিবলৈ সক্ষম হয় । বিদ্যাপুৰ আৰক্ষী চকীৰ ভাৰপ্ৰাপ্ত আৰক্ষী বিষয়া বীৰসিং বৰদলৈৰ নেতৃত্বত চলা এই অভিযানত  আৰক্ষীয়ে চাৰি জুৱাৰী  ছাফিকুল ইছলাম, মজিৰুল হ'ক, হাৰুণ ৰছিদ আৰু আনোৱাৰ হুছেইনক আটক কৰে । ধৃত জুৱাৰীকেইজনৰ ঘৰ বঙাইগাঁও জিলাৰ পূৱ ভাদ্ৰাগাঁৱত বুলি জানিব পৰা গৈছে । আৰক্ষীয়ে জুৱাৰীকেইজনৰ পৰা জুৱাত ব্যৱহৃত চেৰেকী দুখন, জুৱা খেলৰ ১২ টা গুটি, সংকেত চিহ্নৰ পোষ্টাৰ, কাঠৰ বাকচ, নগদ  এঘাৰ হেজাৰ পাচঁশ টকা ,চাৰিটা মোবাইল ফোন আৰু এখন বাহন জব্দ কৰে । সম্প্ৰতি বিদ্যাপুৰ আৰক্ষীয়ে এই বিষয়ত তদন্ত অব্যাহত ৰাখিছে ।🔯