🔯ইউক্ৰেইনৰ পৰা ৰুবুল আহি পালে বঙাইগাঁও🔯

🔯ইউক্ৰেইনৰ পৰা ৰুবুল আহি পালে বঙাইগাঁও🔯

🔯মঞ্জুৰ নিশা পাবহি গুৱাহাটী🔯 

🔯স্বস্তিক ৰাজ এতিয়াও ইউক্ৰেইনত🔯 

📝বঙাইগাঁওঃ ১ মাৰ্চঃ বোমা-বাৰুদেৰে অন্ধকাৰাচ্ছন্ন ইউক্ৰেইনত এতিয়া আবদ্ধ বহু প্ৰবাসী লোক। অসমৰ বিভিন্ন জিলাৰ লগতে বঙাইগাঁও জিলাৰ পৰাও ইউক্ৰেইনত অধ্যয়ন কৰিবলৈ যোৱা ছাত্ৰ-ছাত্ৰীৰ খবৰ পোৱা গৈছে । শেহতীয়াকৈ জানিব পৰা মতে বঙাইগাঁৱৰ ১ নং বাশবাৰী গাঁৱৰ বাসিন্দা আব্দুল ৱাহেবৰ পুত্ৰ ৰুবুল হাচানো গৈছিল ইউক্ৰেইনত পঢ়িবলৈ। কিন্তু শেহতীয়াভাৱে ইউক্ৰেইন-ৰাছিয়াৰ যুদ্ধৰ বিভীষিকাৰ পৰা বৰ্তমান ৰুবুল হাচান আহি নিজ ঘৰত উপস্থিত হৈছেহি। সেইদৰে ইউক্ৰেইনত অধ্যয়ন কৰিবলৈ যোৱা বঙাইগাঁৱৰ আন এজন ছাত্ৰ হৈছে মাণিকপুৰৰ ৫ নং ভাণ্ডাৰা গাঁৱৰ বাসিন্দা চুলতান আলীৰ পুত্ৰ মঞ্জুৰ আলম। খবৰ অনুসৰি ছাত্ৰজন  নিশাৰ ভাগত গুৱাহাটী আহি পাবহি । আনহাতে বঙাইগাঁও চহৰৰ পাগলাস্থান নিবাসী বীৰেন্দ্ৰ প্ৰসাদ গুপ্তাৰ পুত্ৰ স্বস্তিক ৰাজ এতিয়াও ইউক্ৰেইনত থকা বুলি জানিব পৰা গৈছে। এই খবৰ পোৱাৰ পিচকে মঙলবাৰে স্বস্তিক ৰাজৰ ঘৰত গৈ জিলা উপায়ুক্ত ডাঃএম এছ লক্ষ্মী প্ৰিয়াই খবৰ লয়। উল্লেখ্য যে স্বস্তিক ৰাজ ইউক্ৰেইনৰ কিইভ মেডিকেল ইউনিভাৰ্চিটিৰ ছাত্ৰ ৷ শেহতীয়াকৈ ছাত্ৰজন হাংগেৰি সীমান্তলৈ অগ্ৰসৰ হোৱা জানিব পৰা গৈছে ৷🔯