🔯বঙাইগাঁও পৌৰসভা নিৰ্বাচনৰ পৰ্যবেক্ষক পৰাগ কুমাৰ কাকতিৰ একাউণ্টিং কোষৰ সৈতে বৈঠক🔯

🔯বঙাইগাঁও পৌৰসভা নিৰ্বাচনৰ পৰ্যবেক্ষক পৰাগ কুমাৰ কাকতিৰ একাউণ্টিং কোষৰ সৈতে বৈঠক🔯

 🔯ই ভি এম কমিচনিং কামো পৰ্যবেক্ষণ🔯

📝বঙাইগাঁওঃ ১ মাৰ্চঃ বঙাইগাঁও পৌৰসভা নিৰ্বাচনৰ বাবে নিযুক্ত পৰ্যবেক্ষক তথা কামৰূপ জিলা পৰিষদৰ মুখ্য কাৰ্যবাহী বিষয়া পৰাগ কুমাৰ কাকতিয়ে নিৰ্বাচনী কাম-কাজ পৰ্যবেক্ষণৰ অংশ হিচাপে মঙলবাৰে ব্যয় কোষত নিযুক্ত বিষয়া-কৰ্মচাৰীসকলৰ লগত এক বৈঠকত মিলিত হয়। বঙাইগাঁও কোষাগাৰ কাৰ্যালয়ৰ সভাকক্ষত পৰ্যবেক্ষক কাকতি উপস্থিত  হৈ  বঙাইগাঁও পৌৰসভা নিৰ্বাচনত প্ৰতিদ্বন্দ্বিতা কৰা ৭৩ গৰাকী প্ৰাৰ্থীৰ নিৰ্বাচনী হিচাপৰ বাবে খোলা বেংক একাউন্টৰ বিতং লেনদেনৰ হিচাপ ৰাখিবলৈ নিৰ্বাচনী ব্যয় কোষক পৰামৰ্শ দিয়ে। যিহেতু পৌৰসভা নিৰ্বাচনৰ প্ৰতিগৰাকী প্ৰাৰ্থীৰ বাবে এইবছৰ ৩১,২০০ টকা নিৰ্ধাৰণ কৰি দিয়া হৈছে, গতিকে এই নিৰিখতকৈ অধিক টকা যাতে কোনো প্ৰাৰ্থীৰ খৰচ নহয় সেয়া জনাবলৈ নিৰ্বাচনী ব্যয় কোষক পৰামৰ্শ দিয়ে। প্ৰাৰ্থীসকলৰ নিৰ্বাচনী একাউণ্টৰ সবিশেষ তথ্য যাতে ব্যয় কোষক জনায় তাৰ বাবে তেওঁলোকক যোগাযোগ কৰিবলৈ পৰামৰ্শ দিয়ে।তদুপৰি সেই ব্যয়ৰ হিচাপ ৰেজিষ্টাৰ বহীত ৰেকৰ্ড ৰাখিবলৈও পৰ্যবেক্ষক গৰাকীয়ে পৰামৰ্শ দিয়ে। তেওঁৰ বৈঠকৰ সময়ত অতিৰিক্ত উপায়ুক্ত নৱজ্যোতি ওজা আৰু মিডিয়া কোষৰ ভাৰপ্ৰাপ্ত বিষয়া সহকাৰী আয়ুক্ত শিল্পীৰেখা পণ্ডিতো উপস্থিত থাকে। উক্ত বৈঠকৰ পিছত পৰ্যবেক্ষকগৰাকী পৌৰসভা নিৰ্বাচনৰ বাবে ব্যৱহৃত হ'বলগীয়া ই ভি এম কমিচনিঙৰ কামো পৰ্যবেক্ষণ কৰে।🔯