🔯কোকৰাঝাৰৰ কাৰিগাঁৱত আদিবাসী ছেংগেল অভিযানৰ জনজাগৰণ সভা🔯

🔯কোকৰাঝাৰৰ কাৰিগাঁৱত আদিবাসী ছেংগেল অভিযানৰ জনজাগৰণ সভা🔯

🔯চাওতালী ভাষাক ঝাৰখণ্ডৰ প্ৰথম ৰাজ্য ভাষা ৰূপে স্বীকৃতি দিয়া, ছাৰনা ধৰ্মৰ ক'ড প্ৰদানৰ দাবী🔯 

📝News4Bongaigaon: ৩১ মাৰ্চ: আদিবাসী ছেংগেল অভিযানৰ বিটিআৰ জ'নাল সমিতিৰ উদ্যোগত বৃহস্পতিবাৰে কোকৰাঝাৰ জিলাৰ কাৰিগাঁও ৰাজহুৱা খেল পথাৰত এক বিশাল আদিবাসী জনজাগৰণ সভা অনুষ্ঠিত হয়। সন্থাৰ বিটিআৰ জ'নাল সমিতিৰ সভাপতি শনিৰাম মুৰ্ম্মুৰ সভাপতিত্বত  অনুষ্ঠিত সভাত  আদিবাসী ছেংগেল অভিযানৰ ৰাষ্ট্ৰীয় নেতা  ছালখান মুৰ্ম্মুয়ে  মূখ্য অতিথি  হিচাপে উপস্থিত থাকি ' আদিবাসীৰ অন্তৰ্গত চাওতালী ভাষা সংবিধানৰ অষ্টম অনুসুচিত অন্তৰ্ভুক্ত হৈও আজিলৈ ঝাৰখণ্ডৰ প্ৰথম ৰাজ্য ভাষা হিচাপে মান্যতা প্ৰদান নকৰাটো দূখৰ বিষয়' বুলি অভিমত ব্যক্ত কৰে৷চাওতালী ভাষাক ঝাৰখণ্ডৰ প্ৰথম ৰাজ্য ভাষা ৰূপে স্বীকৃতি দিয়া, ছাৰনা ধৰ্মৰ ক'ড প্ৰদান কৰাকে আদি কৰি কেবাটাও দাবীৰ সমৰ্থনত আয়োজিত সভাত আদিবাসী ছেংগেল অভিযানৰ ৰাষ্ট্ৰীয় নেতা  ছালখান মুৰ্ম্মুয়ে চাওতালী ভাষাক অতিশীঘ্ৰে ঝাৰখণ্ডৰ ৰাজ্য ভাষাৰ মৰ্যাদা প্ৰদানৰ বাবে তীব্ৰ গণতান্ত্ৰিক আন্দোলন গঢ়ি তোলা হ'ব  উল্লেখ কৰে । তেওঁ উক্ত আন্দোলন কাৰ্যসূচীৰ অংশ হিচাপে অহা  ৩০ এপ্ৰিলত চাওতালী ভাষাক ঝাৰখণ্ডত প্ৰথম ৰাজ্য ভাষাৰ দাবীত " ৰাঁচী চলো",  ৩০ জুনত ছাৰনা ধৰ্ম ক'ড বিচাৰি আৰু অসমৰ আদিবাসীসকলক শীঘ্ৰে  জনজাতিকৰণৰ  দাবীত "দিল্লী  চলো " কাৰ্যসুচী  ৰূপায়ণ কৰা হ'ব বুলি মুৰ্মুৱে সদৰি কৰে।৷ইফালে আজিৰ লেখিয়াকৈ কাইলৈ লক্ষীমপুৰ জ'নালৰ অন্তৰ্গত বিশ্বনাথ জিলাৰ বিহালী ঠাণ্ডাপানীত আৰু  ২ এপ্ৰিলত ডিব্ৰুগড় জ'নালৰ অন্তৰ্গত  তিনিচুকীয়া জিলাৰ আহুঘাটত দুখন  বিশাল জনজাগৰণ সভা অনুষ্ঠিত  হ'ব বুলি অসম ৰাজ্যিক সমিতিৰ সাধাৰণ সম্পাদক ডানিয়েল হেমব্ৰমে এক প্ৰেছ বিবৃতি যোগে জানিব দিয়ে ।🔯