🔯বিজনীৰ প্ৰস্তাৱিত নতুন উৰণীয়া সেতুৰ ফলত উচ্ছেদিত হোৱাৰ আশংকা ব্যৱসায়িক প্ৰতিষ্ঠান🔯

🔯বিজনীৰ প্ৰস্তাৱিত নতুন উৰণীয়া সেতুৰ ফলত উচ্ছেদিত হোৱাৰ আশংকা ব্যৱসায়িক প্ৰতিষ্ঠান🔯 

🔯দুতুৰীৰ পথেৰে উৰণীয়া সেতু নিৰ্মাণ কৰিবলৈ চৰকাৰলৈ আহ্বান বিজনী ৰাইজৰ🔯 

📝News4Bongaigaon: ৩১ মাৰ্চঃ চিৰাং জিলাৰ বিজনী চহৰৰ প্ৰস্তাৱিত উৰণীয়া সেতুখনৰ বাবে একাংশ ব্যৱসায়িক প্ৰতিষ্ঠানৰ গৰাকীৰ লগতে বহু পৰিয়াল আশংকাত ভুগিছে ৷ প্ৰস্তাৱিত উৰণীয়া সেতুখনৰ বাবে চহৰখনৰ বিভিন্ন ব্যৱসায়িক প্ৰতিষ্ঠান উচ্ছেদ হোৱাৰ লগতে দোকানৰ মালিক-কৰ্মচাৰী মিলি প্ৰায় দুইজাৰটা পৰিয়াল ক্ষতিগ্ৰস্ত হোৱাৰ আশংকা প্ৰকাশ কৰিছে বিজনী নগৰবাসীয়ে ৷ সেয়ে স্থায়ী- অস্থায়ী আৰু  সৰু-ডাঙৰ দোকানৰ ক্ষতি নোহোৱাকৈ উৰণীয়া সেতুখন দুতুৰীৰ ৰে'লগেটৰ কাষেৰে নিৰ্মাণ কৰিবলৈ বিজনীৰ ৰাইজে চৰকাৰলৈ আহ্বান জনাইছে । বিজনী চহৰৰ মাজ মজিয়াৰে উৰণীয়া সেতু নিৰ্মাণ হলে বিজনী বজাৰৰ অৰ্থনৈতিক ভাৰসাম্য হেৰুৱাৰ লগতে বিজনী বান্ধৱ উচ্চতৰ মাধ্যমিক বিদ্যালয়, বিজনী সত্ৰ, ৰামকৃষ্ণ সেৱাশ্ৰম, বাথৌ মন্দিৰ, ঐতিহাসিক বড় কালিবাৰী উৰণীয়া সেতুৰ তলত পৰিব । গতিকে দুই হেজাৰ পৰিয়াল তথা বিজনী নগৰৰ এই ঐতিহাসিক মঠ-মন্দিৰৰ প্ৰতি লক্ষ্য ৰাখি  চৰকাৰে উক্ত উৰণীয়া সেতুখন বিজনী বজাৰৰ মাজমজিয়াদি নকৰি বিজনী টাউনৰ পৰা প্ৰায় ৫০০ মিটাৰ নিলগত বিজনীৰ দুতুৰী পথেৰে নিৰ্মাণৰ বাবে বৰ্তমানৰ চৰকাৰলৈ আবেদন জনাইছে ৰাইজে । উক্ত স্থানত চৰকাৰৰ উৰণীয়া সেতু নিৰ্মাণৰ এই প্ৰস্তাৱৰ ফলত ব্যৱসায়ী সকলৰ জীৱন আৰু জীৱিকাৰ পথত হেঙাৰৰ সৃষ্টি কৰিব ৷ সেয়ে এই ধ্বংসমুখী প্ৰস্তাৱক বিজনী ৰাইজে বিৰোধিতা কৰিছে। উল্লেখ্য যে ভাৰতীয় ৰে'ল আৰু অসম চৰকাৰৰ পি ডব্লিউ ডি ৰোড ডিভিজনৰ যৌথ উদ্যোগত বিজনী চহৰত ৰে'ল লাইনৰ ওপৰেৰে ৮০০ মিটাৰ দৈৰ্ঘ্যৰ চাৰিলেনযুক্ত উৰণীয়া সেতু নিৰ্মাণৰ পৰিকল্পনা চলি আছে।🔯