🔯বঙাইগাঁৱৰ নৰ্থ বইটামাৰীত চাৰিচকীয়া বাহনেৰে ছাগলী চুৰি কৰি নিয়া অৱস্থাত তিনি ছাগলী চোৰ কৰায়ত্ত🔯

🔯বঙাইগাঁৱৰ নৰ্থ বইটামাৰীত চাৰিচকীয়া বাহনেৰে ছাগলী চুৰি কৰি নিয়া অৱস্থাত তিনি ছাগলী চোৰ কৰায়ত্ত🔯

📝বঙাইগাঁওঃ ২৯ মাৰ্চঃ বঙাইগাঁও সদৰ আৰক্ষী থানাৰ অন্তৰ্গত নৰ্থ বইটামাৰী অঞ্চলৰ বাঁশবাৰীত আজি স্থানীয় ৰাইজে চাৰিচকীয়া টাটা এল্ট্ৰডজ  বাহনসহ তিনিজন ছাগলী চোৰক কৰায়ত্ত কৰিবলৈ সক্ষম হয় । প্ৰাপ্ত তথ্য মতে আজি দিনৰ ১২ মান বজাত এ এছ ২৬ ই ২৬৮৮ নম্বৰৰ টাটা এলট্ৰডছ বাহন এখন  বঙাইগাঁও-শালবাৰী গড়কাপ্তানী পথেৰে মূলাগাঁৱৰ দিশৰ পৰা বইটামাৰীৰ দিশে গৈ থকা অৱস্থাত নৰ্থ বইটামাৰীৰ বাঁশবাৰী বজাৰৰ সমীপত বাহনখনৰ যান্ত্ৰিক বিজুতি ঘটাত কিছুসময়ৰ বাবে তাত ৰ'ব লগা হয় । তেনে সময়তে বাহনখনৰ ওপৰত বাঁশবাৰী বজাৰতে থকা 

একাংশ ৰাইজৰ সন্দেহ ওপজে আৰু একাংশ ৰাইজ বাহনখনৰ ওচৰলৈ অহাত বাহনখনৰ ভিতৰত দুটা ছাগলী প্ৰত্যক্ষ কৰে । লগে লগে বাহনখনত থকা তিনিজন যুৱকক ৰাইজে সোধ-পোচ  কৰাত যুৱক তিনিজনে ছাগলী চুৰি কৰি নি থকা বুলি স্বীকাৰ কৰে । তাৰ পিছত ৰাইজে যুৱক তিনিজনক কৰায়ত্ত কৰি আৰক্ষীক খবৰ দিয়ে । ধৃত চোৰ কেইজনে তেওঁলোক  বঙাইগাঁও চাপাগুৰীৰ শিৱা ৰাভা, লালুপ্ৰসাদ আৰু সুজন নাপিত বুলি ৰাইজৰ আগত  প্ৰকাশ কৰিছে ।  ইফালে একাংশ উত্তেজিত ৰাইজে চোৰ কেইজনে ব্যৱহাৰ কৰা বাহনখনৰ কিছু ক্ষতিসাধন কৰে । পিছত ঘটনাস্থলীত বঙাইগাঁও-বইটামাৰী আৰক্ষী উপস্থিত হৈ চোৰ তিনিজনক আটক কৰি লৈ যোৱাৰ লগতে বাহনখনো জব্দ কৰে । ইফালে উদ্ধাৰ হোৱা ছাগলী দুটাৰ এটি ছাগলী জিলাখনৰ পঞ্চপুৰৰ এঘৰ লোকৰ হোৱাৰ বিপৰীতে আনটো পঠা ছাগলী মাঝিগাঁৱৰ মন্দিৰৰ বুলি জানিব পৰা গৈছে । বিলাসী বাহনত ছাগলী চুৰি কৰি এনেদৰে তিনিজন চোৰ ৰাইজৰ হাতত কৰায়ত্ত হোৱা ঘটনাই চাঞ্চল্যৰ সৃষ্টি কৰিছে🔯