🔯ৰাজ্য সভালৈ কোচ ৰাজবংশী জনগোষ্ঠীৰ প্ৰতিনিধি প্ৰেৰণৰ দাবী আক্ৰাছুৰ🔯

 

🔯ৰাজ্য সভালৈ কোচ ৰাজবংশী জনগোষ্ঠীৰ প্ৰতিনিধি প্ৰেৰণৰ দাবী আক্ৰাছুৰ🔯 

📝বঙাইগাঁওঃ ১৫ মাৰ্চঃ ৰাজ্য সভা নিৰ্বাচনত এজন কোচ ৰাজবংশী লোকক প্ৰতিনিধি হিচাপে নিৰ্বাচিত কৰি সংসদলৈ প্ৰেৰণ কৰিবলৈ দাবী জনাইছে  আক্ৰাছুৱে ৷ এক প্ৰেছ বিবৃতিত আক্ৰাছুৰ সভাপতি পুৰেণ ৰায়ে এই দাবী কৰি কয় যে বহু ৰাজ্য সভাৰ নিৰ্বাচন অনুষ্ঠিত হৈ গৈছে যদিও পোনপতিয়াভাৱে জনগোষ্ঠীটোৰ এজন লোককো ৰাজ্য সভাত উপবিষ্ট কৰা দেখা নগ'ল ৷ এয়া জনগোষ্ঠীটোৰ বাবে অতি দুখৰ বিষয় বুলি কৈ শোভ প্ৰকাশ কৰে ৷ সেয়ে সভাপতিগৰাকীয়ে জনগোষ্ঠীটোৰ বৃহৎ স্বাৰ্থত ৰাজ্য সভালৈ এজন কোচ ৰাজবংশী লোকক প্ৰতিনিধি হিচাপে প্ৰেৰণ কৰিবলৈ সকলো পক্ষকে দাবী জনায় ৷ লগতে জনগোষ্ঠীটোৰ সম উন্নয়নৰ ক্ষেত্ৰত যাতে অধিক ক্ষীপ্ৰ হৈ পৰে তাৰ বাবে মুখ্যমন্ত্ৰী ডঃ হিমন্ত বিশ্ব শৰ্মা আৰু ৰাজ্যিক বিজেপিৰ সভাপতি ভৱেশ কলিতাক জনগোষ্ঠীটোৰ কল্যাণৰ হেতু এইক্ষেত্ৰত পদক্ষেপ গ্ৰহণ কৰিবলৈকো দাবী জনায় আক্ৰাছুৰ সভাপতিগৰাকীয়ে ৷🔯