🔯বিজনীৰ এলেংমাৰীত চৰকাৰী ভূমি বেদখলৰ অভিযোগ ৰাইজৰ🔯

🔯বিজনীৰ এলেংমাৰীত চৰকাৰী ভূমি বেদখলৰ অভিযোগ ৰাইজৰ🔯

🔯ভিজিআৰৰ মাটি বেদখল কৰাৰ লগতে অনুমতি বিহীনভাবে খান্দিলে দুটাকৈ বৃহৎ পুখুৰী🔯 

📝বিজনীঃ ১৫ মাৰ্চঃ চিৰাং জিলাৰ বিজনী ৰাজহ চক্ৰৰ অন্তৰ্গত এলেংমাৰীত এক ক্ষমতাশালী চক্ৰই ৰাজহুৱা ভূমি বেদখল কৰি বছৰ বছৰ ধৰি ব্যৱসায় কৰি অহাৰ গুৰুতৰ অভিযোগ উত্থাপন কৰিছে সাধাৰণ ৰাইজে। গাওঁখনৰ একাংশ ক্ষমতাশালী লোকে দুটাকৈ আনুমানিক ১৪ বিঘা ভূমিৰ পুখুৰীত মাছ পালন কৰি সমূদায় ধন আত্মসাৎ কৰি আহিছে বুলি অভিযোগ উত্থাপন কৰে। গাওঁখনৰ দুগৰাকী জ্যেষ্ঠ ব্যক্তিয়ে সংবাদ মাধ্যমৰ সন্মুখত কৰা অভিযোগ অনুসৰি স্থানীয় হাছেন আলী, জয়নাল আবেদিন মণ্ডল, মক্ৰম আলী আৰু ৰফিকুল ইছলাম সহ আন কেবাগৰাকী লোকৰ নেতৃত্বত গাওঁখনত ৰাইজক অন্ধকাৰত ৰাখি ৰাজহুৱা ভূমি ভোগ দখল কৰি আহিছে বুলি অভিযোগ উত্থাপন কৰে। আনহাতে উক্ত ভিজিআৰৰ মাটিত কেবাটাও পৰিয়ালে মাটি বেদখল কৰি বসবাস কৰি থকা বুলিও অভিযোগ উত্থাপন কৰে ব্যক্তি দুগৰাকীয়ে।  ইয়াৰ বিপৰীতে অভিযুক্ত চক্ৰটোৱে তেওঁলোকৰ ওপৰত এয়া মিছা অভিযোগ দিয়া বুলি প্ৰতিক্ৰিয়া প্ৰকাশ কৰে। ৰাইজে পুখুৰী দুটা খান্দোতে বিভাগীয় কৰ্তৃপক্ষৰ পৰা অনুমতি নোলোৱাৰ কথা স্বীকাৰ কৰে যদিও প্ৰতিবছৰেই পুখুৰী দুটা ঠিকা প্ৰদান কৰি উক্ত ধন ৰাইজৰ উন্নয়নৰ কামতেই ব্যৱহাৰ কৰে বুলি মন্তব্য কৰে।🔯