🔯বিজনীত প্ৰচণ্ড ধুমুহাত বিহু মঞ্চত ভাঙি পৰিল প্ৰকাণ্ড গছ🔯

🔯বিজনীত প্ৰচণ্ড ধুমুহাত বিহু মঞ্চত ভাঙি পৰিল প্ৰকাণ্ড গছ🔯

🔯আহত ১৭ গৰাকী লোক🔯

🔯শিলাবৃষ্টিত বিস্তৰ ক্ষতি🔯 

📝বিজনীঃ১৭ এপ্ৰিলঃ চিৰাং জিলাৰ বিজনীৰ  কামাৰগাঁৱত শনিবাৰে নিশা ধুমুহাৰ ফলত ভাঙি পৰিল প্ৰকাণ্ড বট গছ । কামাৰগাঁও খেল পথাৰত অনুষ্ঠিত হৈ থকা ৰঙালী বিহুৰ  সাংস্কৃতিক অনুষ্ঠান অনুষ্ঠিত হৈ থাকোতে হঠাতে ধুমুহাৰ ফলত ভাঙি পৰে প্ৰকাণ্ড বট গছজোপা । ফলত সাংস্কৃতিক অনুষ্ঠান উপভোগ কৰি থকা ১৭ জনকৈ লোক বেয়াকৈ আঘাতপ্ৰাপ্ত হয় । তাৰে ভিতৰত দুজনক সংকটজনক অৱস্থাত বঙাইগাঁওৰ লোৱাৰ অসম হস্পিতাললৈ প্ৰেৰণ কৰে । লোৱাৰ অসম হস্পিতালত প্ৰেৰণ কৰা দুজনৰ নাম  নকুৰ ৰায় (৪৬) আৰু কনিষ্ক দৈমাৰী ৷ দুজনকে সংকটজনক অৱস্থাত বঙাইগাঁওৰ লোৱাৰ অসম হস্পিতাল লৈ প্ৰেৰণ কৰে । জানিব পৰা মতে দুজনৰ ভিতৰত এজন আই,চি,ইউত ভৰ্তি আছে । বাকী ১৫ জনক বিজনীৰ ভেটাগাঁও অসামৰিক হাস্পতালত চিকিৎসা প্ৰদান কৰে বুলি জানিব দিয়ে বিহু সমিতিৰ লোকে । আনকি সাংস্কৃতিক অনুষ্ঠানৰ গায়কৰ চাৰিচকীয়া বাহন প্ৰকাণ্ড গছৰ তলত পৰি চুৰ্ণ-বিচুৰ্ণ হয় । ইফালে ৩৩ নং বিজনী বিধানসভা সমষ্টিৰ বিধায়ক অজয় ৰায় ঘটনাস্থলিত দেওবাৰে উপস্থিত হৈ ক্ষয়-ক্ষতিৰ বুজ লয় ।

 আনফালে চিৰাঙৰ বিজনীত প্ৰচণ্ড শিলাবৃষ্টিয়ে বিস্তৰ ক্ষতি সাধন কৰে ৷ প্ৰায় ২০০ পৰা ২৫০ গ্ৰাম ওজনৰ শিল পৰাত  ক্ষতি হয় । প্ৰকৃতিয়ে যেন লৈছে ধ্বংসৰ ৰূপ ৷ বিজনীৰ পুৰাণ বিজনী আদি কৰি বিজনীৰ চৌপাশে শিলাবৃষ্টিয়ে বিস্তৰ ক্ষতি সাধন কৰে ৷  ঘৰৰ চালি ফুটি ঘৰৰ ভিতৰত ব‍য় - বস্তুৰ ক্ষতি সাধন  হয় । বিজনীত  তিনি দিন ধৰি প্ৰচণ্ড ধুমুহাই সাধাৰণ লোকৰ ক্ষতি সাধন কৰি আহিছে । শনিবাৰে সন্ধিয়া অহা ধুমুহা আৰু শিলাবৃষ্টিত বহুতৰে ঘৰৰ টিনপাত উৰুৱাই নিয়াৰ লগতে ঘৰৰ টিন ফুটি বিস্তৰ অনিষ্ট সাধন কৰে।🔯