🔯বঙাইগাঁৱত বিজেপিৰ উদ্যোগত অসংগঠিত শ্ৰমিকসকলৰ সজাগতা সভা🔯

🔯বঙাইগাঁৱত বিজেপিৰ উদ্যোগত অসংগঠিত শ্ৰমিকসকলৰ সজাগতা সভা🔯

📝বঙাইগাঁওঃ ১৬ এপ্ৰিলঃ ভাৰতীয় জনতা পাৰ্টিৰ  ৰাষ্ট্ৰীয় নেতৃত্বৰ নিৰ্দেশত বঙাইগাও জিলা সমিতিৰ উদ্যোগত শনিবাৰে বঙাইগাঁৱত অসংগঠিত শ্ৰমিক সকলৰ এখন 'সজাগতা সভা' অনুষ্ঠিত হয় । জিলা বিজেপি কাৰ্যালয়ত অনুষ্ঠিত সভাত বঙাইগাঁও জিলা বিজেপিৰ সভানেত্ৰী হিমানী অধিকাৰীয়ে জিলাখনৰ অসংগঠিত হৈ থকা শ্ৰমিক তথা সভাত উপস্থিত থকা অ'টো চালক , টেম্প' চালক , ই ৰিক্সা চালক , টেক্সি চালক আদিৰ লগতে বিভিন্নস্তৰৰ  কৰ্মত নিয়োজিত হৈ জীৱিকা নিৰ্বাহ কৰা শ্ৰমিক সকলৰ উদেশ্যে বক্তব্য ৰাখে । 

সভানেত্ৰীগৰাকীয়ে নিজৰ বক্তব্যত কেন্দ্ৰীয় আৰু ৰাজ্য চৰকাৰৰ বিভিন্ন উন্নয়ন মুলক আঁচনি  যেনে-ই-শ্ৰম কাৰ্ড, অটল অমৃত কাৰ্ড , আয়ুস্মান ভাৰত ইত্যাদি সন্দৰ্ভত বিতং ভাৱে আলোকপাত কৰে । সভাত বঙাইগাঁও জিলা অসংগঠিত শ্ৰমিক কোষৰ আহাব্বায়ক লাচিত মোহন ৰায়ে সকলকে  একোখনকৈ ফুলাম গামোচাৰে সম্বৰ্ধনা জনায়।বঙাইগাঁও জিলা বিজেপিৰ সম্পাদক দেৱব্ৰত শীলে পৰিচালনা কৰা সভাত জিলা বিজেপিৰ উপ সভাপতি  দেৱজিৎ বোস প্ৰমূখ্যে বিষয়ববীয়া সকল আৰু জিলাখনৰ বিভিন্ন স্তৰৰ শ্ৰমিক সকল উপস্থিত থাকে ৷🔯