🔯বঙাইগাঁৱত অগ্নিনিৰ্বাপক বাহিনীৰ সজাগতা কাৰ্যসূচী🔯

🔯বঙাইগাঁৱত অগ্নিনিৰ্বাপক বাহিনীৰ সজাগতা কাৰ্যসূচী🔯

📝বঙাইগাঁওঃ১৯ এপ্ৰিলঃ বঙাইগাঁওস্থিত অগ্নিনিৰ্বাপক আৰু আপদকালীন সেৱা বিভাগৰ বিষয়া- কৰ্মীসকলে মঙলবাৰে বঙাইগাঁও চহৰৰ চিলাৰায় দৈনিক বজাৰত সাম্ভাব্য অগ্নিকাণ্ডৰ পৰা ৰাইজক হাত সাৰিবলৈ সজাগতা সৃষ্টিৰ অৰ্থে প্ৰয়োজনীয় কৌশল প্ৰদৰ্শন কৰে ৷ 

উল্লেখ্য যে  অগ্নিকাণ্ডৰ পৰা কেনেদৰে বাচিব পৰা যায় আৰু জুই লাগিলে কি ব্যৱস্থা গ্ৰহণ কৰিব লাগে তাৰ বাবে ৰাইজক সজাগ আৰু সচেতন কৰাৰ  বাবে এই কৌশল প্ৰদৰ্শন কৰে৷ অগ্নিনিৰ্বাপক সপ্তাহ (১৪ এপ্ৰিলৰ পৰা ২০  এপ্ৰিললৈ) ৰ লগত সংগতি ৰাখি অনুষ্ঠিত কৰা এই সজাগতা কাৰ্যসূচীত অগ্নি নিৰ্বাপন বাহিনীৰ লিডিং ফায়াৰ মেন (এলএফএম) লক্ষেশ্বৰ কলিতাৰ লগতে অন্যান্য বিষয়া,কৰ্মী সকলে অংশ লয় ৷🔯