🔯বঙাইগাঁও জিলাত শিশু কন্যাসহ সন্ধানহীন তিনি গৰাকী মহিলা🔯

🔯বঙাইগাঁও জিলাত শিশু কন্যাসহ সন্ধানহীন তিনি গৰাকী মহিলা🔯

📝বঙাইগাঁওঃ ১৯ এপ্ৰিলঃ বঙাইগাঁও জিলাৰ অভয়াপুৰী থানা এলেকাৰ এটি কন্যা সন্তানসহ তিনি গৰাকী মহিলা সন্ধানহীন হৈ থকা বুলি জানিব পৰা গৈছে ৷ জিলাখনৰ অভয়াপুৰী থানাৰ অন্তৰ্গত কায়েথপাৰা দ্বিতীয় খণ্ডৰ বাসিন্দা ডমানু বৰ্মনৰ পত্নী কানন বৰ্মন (৩২) যোৱা ৩ এপ্ৰিলৰ পুৱা ৬ বজাৰ পৰা সন্ধানহীন হৈ আছে ৷ প্ৰায় ৫ ফুট ওখ, চুটি চুলি আৰু ক'লা বৰণীয়া মহিলা গৰাকী সন্ধানহীন হোৱাৰ সময়ত মেখেলা -চাদৰ পৰিহিত আছিল ৷ আনহাতে বঙাইগাঁও চহৰৰ আৰোগ্য হাস্পতালৰ পৰা যোৱা ১১ এপ্ৰিলৰ পৰা ৪ বছৰ ৮ মাহ বয়সৰ কন্যা মধুস্মিতা বসাকৰ সৈতে সন্ধানহীন হৈ আছে অভয়াপুৰী চহৰৰ ১১ নং ৱাৰ্ডৰ নিবাসী গীতা ৰায়(২৩) ৷ সন্ধানহীন গীতা ৰায়ৰ গাৰ বৰণ ক'লা আৰু ওখই ৫ ফুট ৩ ইঞ্চি ৷ তদুপৰি অভয়াপুৰী থানাৰ অন্তৰ্গত খগৰপুৰ দ্বিতীয় খণ্ড নিবাসী স্বৰ্গীয় ভৱেন নাৰ্জাৰীৰ পত্নী ৰংজালী  বসুমতাৰীও (২৬) সন্ধানহীন হৈ আছে৷ মহিলা গৰাকী ওখই ৪ ফুট ৫ ইঞ্চি, গাৰ বৰণ বগা আৰু সন্ধানহীন হোৱাৰ সময়ত দখনা পৰিহিত আছিল। কোনো সদাশয় ব্যক্তিয়ে মহিলা তিনি গৰাকী আৰু কন্যা শিশুটিৰ কিবা সম্ভেদ  লাভ কৰিলে বঙাইগাঁও জিলাৰ আৰক্ষী অধীক্ষকৰ কাৰ্যালয়ৰ হেল্পলাইন নম্বৰ ৯৪৩৫৭৩৬১১১ বা দূৰভাষ নম্বৰ ০৩৬৬৪-২৩০৮৯৮ নম্বৰত জনাবলৈ অনুৰোধ জনোৱা হৈছে।🔯