🔯বিজনীত চৰকাৰী নীতি নিৰ্দেশনাক অৱমাননা🔯

🔯বিজনীত চৰকাৰী নীতি নিৰ্দেশনাক অৱমাননা🔯

🔯চৰকাৰী বিদ্যালয়ত ছাত্র -ছাত্ৰীৰ পৰা নাম ভৰ্তিৰ নামত নীতি বৰ্হিভূত ভাবে ধন সংগ্ৰহৰ অভিযোগ অভিভাৱক আৰু ছাত্র-ছাত্ৰীৰ🔯

📝বিজনীঃ ১১ এপ্ৰিলঃ চিৰাং জিলাৰ বিজনীৰ উত্তৰাঞ্চলৰ অগ্ৰং হাইস্কুলত নাম ভৰ্তিৰ বাবদ লোৱা হয় ধন। এই অভিযোগ বিদ্যালয়খনৰ ছাত্ৰ-ছাত্ৰী তথা অভিভাৱকৰ । চৰকাৰী স্কুলসমূহত চৰকাৰৰ নিয়ম অনুসৰি ছাত্ৰ-ছাত্ৰী সকলৰ পৰা নাম ভৰ্তিৰ নামত ল'ব নোৱাৰে কোনো ধন। কিন্তু চৰকাৰী নীতি নিৰ্দেশনাক অৱমাননা কৰি বিদ্যালয় কৰ্তৃপক্ষই নাম ভৰ্তিৰ নামত টকা লোৱাত সৃষ্টি হৈছে প্ৰতিক্ৰিয়াৰ। এইক্ষেত্ৰত অগ্ৰং হাইস্কুলৰ প্ৰধান শিক্ষকৰ বিৰুদ্ধে বিদ্যালয়খনৰ একাংশ ছাত্র-ছাত্ৰী আৰু অভিভাৱকে ছাত্ৰ-ছাত্ৰীৰ পৰা নামভৰ্তিৰ নামত টকা লোৱা বুলি কৰিছে গুৰুতৰ অভিযোগ।কিন্তু প্ৰশ্ন হয় চৰকাৰী বিনামূলীয়া শিক্ষা নীতি প্ৰহসনত পৰিণত হৈছে নেকি ? অভিযোগ অনুসৰি বিজনীৰ অগ্ৰং হাইস্কুলত নাম ভৰ্তিৰ বাবদত প্ৰতিজন ছাত্ৰ-ছাত্ৰীৰ পৰা পাঁচশকৈ টকা লোৱাৰ অভিযোগ উত্থাপন হৈছে ৷ 

একেদৰে এলপি আৰু এমই স্কুলত নাম ভৰ্তিৰ বাবদ ক্ৰমে এশ আৰু ডেৰশ টকাকৈ সংগ্ৰহ কৰি থকাৰ অভিযোগ উত্থাপিত হৈছে ৷ ইফালে ইউনিফৰ্ম বিতৰণৰ নামতো ছাত্ৰ - ছাত্ৰীৰ পৰা ধন সংগ্ৰহৰ অভিযোগ পোৱা গৈছে ।  ইয়াৰ বিপৰীতে বিদ্যালয়খনৰ প্ৰধান শিক্ষকে ছাত্ৰ -ছাত্ৰীসকলে বহাৰ বাবে ডেস্ক বেঞ্চ বনোৱাৰ বাবদ ধন সংগ্ৰহ কৰা বুলি সাংবাদিকৰ সন্মুখত  প্ৰকাশ কৰে। এইক্ষেত্ৰত বিজনী মহকুমাত চলি থকা এনে নৈৰাজ্যৰ বাবে চৰকাৰক তদন্ত কৰাৰ আহ্বান জনাইছে স্থানীয় দল সংগঠনে।🔯