🔯বঙাইগাঁও জিলাৰ অভয়াপুৰীৰ অৰ্চনা বৰ্মন আৰু খগৰপুৰৰ মাধৱী বিশ্বাস সন্তানৰ সৈতে সন্ধানহীন🔯

🔯বঙাইগাঁও জিলাৰ অভয়াপুৰীৰ অৰ্চনা বৰ্মন আৰু খগৰপুৰৰ মাধৱী বিশ্বাস সন্তানৰ সৈতে সন্ধানহীন🔯

📝বঙাইগাঁওঃ ২৭ এপ্ৰিলঃ বঙাইগাঁও জিলাৰ অভয়াপুৰী থানাৰ অন্তৰ্গত চেদাপাৰা গাঁৱৰ অৰ্চনা বৰ্মন (৩৭), (মাৰফৎ চিন্ময় বৰ্মন) যোৱা ২৩ এপ্ৰিলৰ বিয়লি ২-৩০ বজাত সিদলসতী বজাৰলৈ যোৱাৰ পথৰ পৰা সন্ধানহীন হৈ আছে।মহিলাগৰাকী ওখই ৫ ফুট ৬ ইঞ্চি আৰু গাৰ বৰণ ক'লা। আনহাতে জিলাখনৰ খগৰপুৰ দ্বিতীয় খণ্ড গাঁৱৰ বাসিন্দা লক্ষী কান্ত সৰকাৰৰ পত্নী মাধৱী বিশ্বাস(২৭) তেওঁৰ ৬ বছৰীয়া কন্যা অষ্টমী সৰকাৰ আৰু ৩ বছৰীয়া পুত্ৰ নিতুল সৰকাৰৰ সৈতে যোৱা ১৯ এপ্ৰিলৰ পৰা নিজ গাঁৱৰ পৰা সন্ধানহীন হৈ আছে। মাধৱী বিশ্বাস ওখই ৪ ফুট ৬ ইঞ্চি আৰু গাৰ বৰণ বগা। ওপৰোক্ত মহিলা দুগৰাকী আৰু শিশু দুটিৰ যদি কোনো সদাশয় লোকে কিবা সম্ভেদ পায় তেতিয়াহ'লে বঙাইগাঁও জিলাৰ আৰক্ষী অধীক্ষকৰ কাৰ্যালয়ৰ হেল্পলাইন নম্বৰ ৯৪৩৫৭৩৬১১১ বা ০৩৬৬৪-২৩০৮৯৮ দূৰভাষ নম্বৰত জনাবলৈ অনুৰোধ জনোৱা হৈছে।🔯