🔯আসাম ষ্টেট পাৱাৰ ৱ'ৰ্কাচ ইউনিয়নৰ একাদশ দ্বি-বাৰ্ষিক ৰাজ্যিক অধিৱেশন সম্পন্ন🔯

🔯আসাম ষ্টেট পাৱাৰ ৱ'ৰ্কাচ ইউনিয়নৰ একাদশ দ্বি-বাৰ্ষিক ৰাজ্যিক অধিৱেশন সম্পন্ন🔯 

📝বঙাইগাঁওঃ ৫ এপ্ৰিলঃ অসম ৰাজ্যিক বিদ্যুৎ পৰিষদৰ উত্তৰসূৰী তিনিওটা কোম্পানীৰ অন্তৰ্গত বৃহৎ শ্ৰমিক সংগঠন আসাম ষ্টেট পাৱাৰ ৱ'ৰ্কাচ ইউনিয়নৰ একাদশ দ্বি-বাৰ্ষিক ৰাজ্যিক অধিৱেশনখন ২ আৰু ৩ এপ্ৰিলত দুদিনীয়া কাৰ্য্যসূচীৰে ডিব্ৰুগড়স্থিত তাই শিক্ষা আৰু সাংস্কৃতিক কেন্দ্ৰত অনুষ্ঠিত হৈ যায় ৷ অধিৱেশনৰ প্ৰথম দিনা পতাকা উত্তোলনেৰে আৰম্ভ হোৱা কাৰ্য্যসূচীত ইউনিয়নৰ পতাকা উত্তোলন কৰে সভাপতি ব্ৰজেন বৰি আৰু অভ্যৰ্থনা সমিতিৰ সভাপতি লীলা চাংমাইয়ে । ছহিদ তৰ্পন অনুষ্ঠানৰ আতঁ ধৰে কেন্দ্ৰীয় সাধাৰণ সম্পাদক অমিত কৰে। বিয়লি ১ বজাৰ পৰা ইউনিয়নৰ ৰাজ্যিক সভাপতি ব্ৰজেন বৰিৰ সভাপতিত্বত অনুষ্ঠিত মুকলি সভাত সমল ব্যক্তি হিচাপে উপস্থিত থাকে অৰুণাচল বিশ্ববিদ্যালয়ৰ প্ৰাক্তন ডীন তথা ডিব্ৰগড় জিলা নাগৰিক সন্মিলনৰ মুখ্য উপদেষ্টা ড০ সৃষ্টিধৰ দত্ত, আসাম ষ্টেট পাৱাৰ ৱ'ৰ্কাচ ইউনিয়নৰ প্ৰাক্তন সভাপতি নগেন বৰা, বিশিষ্ট জ্যেষ্ঠ সাংবাদিকদ্বয় শৰৎ চন্দ্ৰ নেওগ, ইকবাল আহমেদ , নিখিল ভাৰত ট্ৰেড ইউনিয়ন সমন্বয়ৰক্ষী সমিতিৰ ৰাজ্যিক সম্পাদক সুভাষ সেন তথা বৰ্ষীয়ান ট্ৰেড ইউনিয়ন নেতা হিৰন্ময় ঘোষ । উক্ত মুকলি সভাত প্ৰথম বাৰৰ বাবে আসাম ষ্টেট পাৱাৰ ৱ'ৰ্কাচ ইউনিয়নে ট্ৰেড ইউনিয়ন সংগ্ৰামলৈ বৰঙণি আগবঢ়োৱা পয়ত্ৰিশ গৰাকী ট্ৰেড ইউনিয়ন নেতা আৰু দুগৰাকী বিশিষ্ট সাংবাদিকলৈ জীৱনযোৰা সংগ্ৰামী বটাঁ প্ৰদান কৰে । 

সমগ্ৰ ৰাজ্যখনৰ পৰা অহা চাৰি শতাধিক প্ৰতিনিধিৰে সন্ধিয়া ৬ বজাৰ পৰা ৯  বজালৈ অনুষ্ঠিত প্ৰথমখন প্ৰতিনিধি সভাত বিদ্যুৎ খণ্ড ব্যক্তিগতকৰণৰ বিৰুদ্ধে তীব্ৰ সংগ্ৰাম আগবঢ়াই নিয়াৰ উপৰিও বিদ্যুৎ পৰিষদৰ তিনিওটা উত্তৰসূৰী কোম্পানী, নিগমত কেৱল বিষয়া পৰ্যায়ত নিযুক্তি দি তৃতীয় আৰু চতুৰ্থ বৰ্গৰ কৰ্মচাৰী শূন্য কৰি অসমৰ জনসাধাৰণক নিয়মীয়া বিদ্যুৎ সেৱাৰ পৰা বঞ্চিত কৰা, পৰ্যাপ্ত প্ৰাকৃতি সম্পদেৰে ভৰপূৰ ৰাজ্যখনত নিজাকৈ বিদ্যুৎ প্ৰকল্প গঢ়ি তোলা ,নতুন পেঞ্চন আঁচনি বাতিল কৰি পুৰনি পেঞ্চন আঁচনি বাহাল ৰখা, বিষয়া পৰ্যায়ৰ কৰ্মীক যেনেকৈ যথা সময়ত পদোন্নতি দিয়ে ঠিক তেনেকৈ কৰ্মচাৰীৰ ক্ষেত্ৰটো পদোন্নতি নীতি বাহাল ৰখা ইত্যাদি দাবী সমূহৰ ওপৰত আলোচনা কৰি দাবী সমূহ পূৰণৰ বাবে প্ৰয়োজন সাপেক্ষে সংগ্ৰামৰ কাৰ্য্যসূচী লোৱাৰ বাবে প্ৰস্তাৱ গ্ৰহণ কৰে । আনহাতে বিদ্যুৎ পৰিষদৰ উত্তৰসূৰী তিনিওটা কোম্পানীৰ বৃহৎ শ্ৰমিক সংগঠন আসাম ষ্টেট পাৱাৰ ৱ'ৰ্কাচ ইউনিয়নৰ একাদশ দ্বি-বাৰ্ষিক ৰাজ্যিক অধিৱেশনৰ ৩ এপ্ৰিলত অনুষ্ঠিত দ্বিতীয়খন প্ৰতিনিধি সভাত শ্ৰমিক ঐক্যৰ চানেকীৰে সৰ্বসন্মতিক্ৰমে ২০২২- ২৩ বৰ্ষৰ বাবে সুখেন গগৈক সভাপতি, টৈলেন্দ্ৰ শইকীয়াক কাৰ্যকৰী সভাপতি, অমিত কৰক সাধাৰণ সম্পাদক, প্ৰাক্তন সভাপতি ব্ৰজেন বৰিক মুখ্য উপদেষ্টা হিচাপে লৈ এখন ১০৩ জনীয়া কেন্দ্ৰীয় সমিতি গঠন কৰা হয় বুলি এক প্ৰেছটোকাত ইউনিয়নৰ সাধাৰণ সম্পাদকগৰাকীয়ে উল্লেখ কৰিছে ৷🔯