🔯বঙাইগাঁৱত অনুষ্ঠিত হ'ব ৰাষ্ট্ৰীয় পৰ্যায়ত ধ্ৰুপদী আৰু লোকনৃত্য উৎসৱ🔯

🔯বঙাইগাঁৱত অনুষ্ঠিত হ'ব ৰাষ্ট্ৰীয় পৰ্যায়ত ধ্ৰুপদী আৰু লোকনৃত্য উৎসৱ🔯

📝বঙাইগাঁওঃ ৫ এপ্ৰিলঃ বঙাইগাঁৱৰ নটৰাজন ডেন্স অকাডেমী এণ্ড ৰিছাৰ্ছ চেন্টাৰৰ উদ্যোগত অহা ১০ এপ্ৰিলত বঙাইগাঁৱত অনুষ্ঠিত হ'ব নটৰাঞ্জলী নৃত্য উৎসৱ- ২০২২ ৷ ৰাষ্ট্ৰীয় পৰ্যায়ত অনুষ্ঠিত হ'বলগীয়া ধ্ৰুপদী আৰু লোকনৃত্য উৎসৱটো অহা ১০ এপ্ৰিলত পুৱা ৯ বজাৰ পৰা বঙাইগাঁও জিলা পুথি ভঁৰাল প্ৰেক্ষাগৃহত অনুষ্ঠিত হ'ব বুলি উদ্যোক্তা সকলে মঙলবাৰে বৃহত্তৰ বঙাইগাঁও প্ৰেছ ক্লাবত এক সংবাদমেল যোগে জানিবলৈ দিয়ে ৷ সংবাদমেলখনত উদ্যোক্তাসকলে জানিব দিয়া মতে সাংস্কৃতিক অৱক্ষয় আৰু  অপসংস্কৃতি ৰোধ কৰাৰ লক্ষ্য আগতলৈ এই উৎসৱৰ আয়োজন কৰা হৈছে ৷ এই বেলি এই নটৰাঞ্জলী নৃত্য উৎসৱত অসমৰ বিভিন্ন জিলাৰ লগতে দিল্লী , মুম্বাই , চেন্নাই , উৰিষ্যা আৰু পশ্চিমবংগৰ শিল্পী সকলে অংশগ্ৰহণ কৰিব ৷ অতিথি হিচাপে অংশগ্ৰহণ কৰিব ড° অৰ্কদেৱ ভট্টাচাৰ্যী , ( কলকাতা ) অভিযন্তা  প্ৰিয়ংকা মিশ্ৰ  ( ভূবনেশ্বৰ ) , নৃত্য শিৰোমণি তৰালী হালদাৰ ( কলকাতা )  আৰু শুভদ্বীপ সৰকাৰ ( শান্তি নিকেতন , পশ্চিমবংগ ) ৷ 

সংবাদমেলত লগতে জনোৱা অনুসৰি এই উৎসৱটো প্ৰথমে আন্তঃৰাষ্ট্ৰীয় পৰ্যায়ত অনুষ্ঠিত কৰাৰ সিদ্ধান্ত গ্ৰহণ কৰিছিল যদিও আন্তঃৰাষ্ট্ৰীয় পৰ্যায়ত ক'ভিড পৰিস্থিতি স্বাভাৱিক নোহোৱাৰ বাবে এই সিদ্ধান্ত বাতিল কৰি এয়া ৰাষ্ট্ৰীয় পৰ্যায়ত অনুষ্ঠিত কৰিব ৷  সংবাদমেলত উল্লেখ কৰা মতে বিগত ২০১৯ চনত জন্ম হৈছিল নটৰাজন ডেন্স অকাডেমী এণ্ড ৰিছাৰ্ছ চেন্টাৰ নামৰ সাংস্কৃতিক গোষ্ঠীটোৰ ৷ গঠন হোৱা বছৰৰ পৰাই  বিগত তিনিটা বছৰে আন্তঃৰাষ্ট্ৰীয় পৰ্যায়ত অনলাইন যোগে এই উৎসৱ অনুষ্ঠিত কৰা হৈছিল ৷ চতুৰ্থ বৰ্ষত এইবেলি অফলাইন যোগেই বঙাইগাঁও জিলা পুথিভঁৰালত এই উৎসৱ আয়োজন কৰা হৈছে ৷ এই উৎসৱত ৭০ গৰাকী নৃত্য শিল্পীয়ে অংশগ্ৰহণ কৰিব ৷ সংবাদমেলত এই উৎসৱ আয়োজনৰ সঞ্চালকদ্বয় ক্ৰমে অভিষেক দাস , বিজয় সৰকাৰ , শিল্পী নন্দকিশোৰ চৌধুৰী , বঙাইগাঁৱৰ বিশিষ্ট ব্যবসায়ী তথা যুৱ কৰ্মী প্ৰবীণ বৈশ্য , শৰীৰ চৰ্চাবিদ প্ৰবীৰ শৰ্মা উপস্থিত থাকে ৷🔯