🔯চিৰাঙত আৰক্ষীৰ গুলীচালনা🔯

🔯চিৰাঙত আৰক্ষীৰ গুলীচালনা🔯

🔯ৰাজা বড়োৰ হত্যাকাণ্ডৰ মূল অভিযুক্ত মনজিত বসুমতাৰী নিহত🔯 

📝চিৰাংঃ ৬ এপ্ৰিলঃ চিৰাং জিলাৰ ঢালিগাঁও থানাৰ অন্তৰ্গত কিষাণ বজাৰ-খামাৰপাৰাৰ নিৰীহ যুৱক ৰাজা বড়োৰ হত্যাকাণ্ডৰ মূল অভিযুক্ত মনজিত বসুমতাৰী (২৫) আৰক্ষীৰ গুলীত নিহত হৈছে৷ উল্লেখ্য যে চিৰাং আৰক্ষীয়ে ৰাজা বড়োৰ হত্যাকাণ্ডৰ মূল অভিযুক্তক আটক কৰিবলৈ সোমবাৰৰ নিশাৰ পৰাই  অভিযান গঢ়ি তোলে ৷ লগতে এক সূত্ৰৰ খবৰৰ ভিত্তিত মঙলবাৰৰ নিশা  ৯ মান বজাত ডাংতল ৰে’লৱে ষ্টেচনৰ পৰা অভিযুক্ত মনজিত বসুমতাৰীক আটক কৰিবলৈ সক্ষম হয় ৷ আৰক্ষীয়ে আটক কৰি ৰাজা বড়োৰ হত্যাকাণ্ড আৰু ব্যৱহৃত মাৰণাস্ত্ৰৰ সন্দৰ্ভত তেওঁক জেৰা কৰে ৷ আৰক্ষীৰ জেৰাত মনজিতে ৰাজা বড়োক হত্যা কৰাৰ কথা স্বীকাৰ কৰাৰ লগতে হত্যাকাণ্ডত ব্যৱহৃত পিষ্টলটো ৰৌমাৰীৰ আই নৈৰ হাগ্ৰামা দলঙৰ সমীপত লুকুৱাই  ৰখা বুলি কয় ৷ এই  তথ্যৰ ভিত্তিত নিশাৰ ভাগতে আৰক্ষীয়ে  মনজিতক লগত লৈ মাৰণাস্ত্ৰৰ সন্ধানত আই নদীৰ সমীপলৈ যায়৷ লক্ষ্যণীয় যে আৰক্ষীয়ে সদৰি কৰা মতে হাগ্ৰামা দলঙৰ সমীপৰ নিৰ্দিষ্ট স্থানত লুকুৱাই ৰখা পিষ্টল দেখুৱাই দিয়াৰ চলেৰে মনজিতে দৌৰি পলায়নৰ চেষ্টা চলায়। নিশাৰ আন্ধাৰত দৌৰি পলাবলৈ ধৰোতে আৰক্ষীয়ে কৰা গুলীচালনাত মনজিত বসুমতাৰীৰ মৃত্যু হয়৷ সম্প্ৰতি মনজিতৰ মৃতদেহ চিৰাঙৰ সদৰ কাজলগাঁৱৰ জেএছবি হাস্পতালত ৰখা হৈছে ।🔯