🔯পুৰণি বঙাইগাঁও শাখা সাহিত্য সভাৰ নিজৰ দিন পালন🔯

🔯পুৰণি বঙাইগাঁও শাখা সাহিত্য সভাৰ নিজৰ দিন পালন🔯 

🔯চাৰিগৰাকী বিশিষ্ট ব্যক্তিক সম্বৰ্ধনা জ্ঞাপন🔯

📝বঙাইগাঁওঃ ১৬ এপ্ৰিলঃ  অসম সাহিত্য সভাই পহিলা ব'হাগৰ দিনটো এইবেলিও 'নিজৰ দিন হিচাপে পালন কৰে ৷ এই উপলক্ষে বঙাইগাঁও জিলা সাহিত্য সভাৰ অন্তৰ্গত পুৰণি বঙাইগাঁও শাখা সাহিত্য সভাই অঞ্চলটোৰ চাৰিগৰাকী বিশিষ্ট ব্যক্তিক তেওঁলোকৰ ঘৰে ঘৰে গৈ অসম সাহিত্য সভাৰ তৰফৰ পৰা আগবঢ়োৱা 'ওলগনি পত্ৰ ' প্ৰদান কৰাৰ লগতে একোখন বিহুৱান আৰু কিতাপৰ টোপোলাৰে সম্বৰ্ধনা জনায় ৷ পুৰণি বঙাইগাঁও শাখা সাহিত্য সভাই অসম সাহিত্য সভাৰ 'নিজৰ দিন' উপলক্ষে আশীতিপৰ সাহিত্যিক তথা অৱসৰপ্ৰাপ্ত আৰক্ষী বিষয়া হৰিধন ডেকা, অৱসৰপ্ৰাপ্ত শিক্ষক ধ্বজেন ৰায় চৌধুৰী, অৱসৰপ্ৰাপ্ত কোষাধ্যক্ষ বলেন চন্দ্ৰ পাঠক আৰু বয়োজ্যেষ্ঠ শিল্পী শিৱেশ্বৰী ৰায়ক সম্বৰ্ধনা জনায় ৷

উল্লেখ্য যে পুৰণি বঙাইগাঁও শাখা সাহিত্য সভাৰ সভাপতি বলোৰাম ৰায়, বঙাইগাঁও জিলা সাহিত্য সভাৰ ভাৰপ্ৰাপ্ত সভাপতি বিক্ৰম মেধি, পুৰণি বঙাইগাঁও শাখা সাহিত্য সভাৰ উপ সভাপতি ডালিম কুমাৰ সিংহৰ লগতে সদস্য ফণীষ নাৰায়ণ দেৱ, প্ৰবীণ কুমাৰ বৰ্মন,বলেন সিংহ আৰু ভূৱন ৰাজৱংশীয়ে ঘৰে ঘৰে গৈ বিশিষ্ট ব্যক্তি চাৰিগৰাকীক অসমীয়া নৱ বৰ্ষৰ পহিলা দিনটোত সম্বৰ্ধনা জনাই  সাহিত্য সভাৰ ওলগনি পত্ৰৰে ওলগ জনায় ৷🔯