🔯ড্ৰাগছ সৰবৰাহত জড়িত বিত্তশালী পৰিয়ালৰ যুৱক🔯

🔯ড্ৰাগছ সৰবৰাহত জড়িত বিত্তশালী পৰিয়ালৰ যুৱক🔯

🔯চিৰাং আৰক্ষীৰ অভিযানত ধৃত দুই ড্ৰাগছ সৰবৰাহকাৰী🔯

 🔯জব্দ ২২ গ্ৰাম হেৰ'ইন🔯

 📝বঙাইগাঁওঃ ১৬ এপ্ৰিলঃ  ড্ৰাগছৰ বিৰুদ্ধে অসম আৰক্ষীয়ে জোৰদাৰ অভিযান অব্যাহত ৰখাৰ সময়তে বৃহস্পতিবাৰৰ বিয়লি ৩-৩০ বজাত চিৰাং আৰক্ষীৰ গোপন অভিযানত ঢালিগাঁও বজাৰ এলেকাৰ পৰা ড্ৰাগছ সহ এজন ড্ৰাগছ সৰবৰাহকাৰী আটক কৰিবলৈ সক্ষম হয়৷চিৰাং আৰক্ষীৰ জালত পৰা ড্ৰাগছ সৰবৰাহকাৰী জনৰ ড্ৰাইভিং লাইচেন্সত উল্লেখ থকা অনুসৰি  বঙাইগাঁও শোধনাগাৰ টাউনশ্বিপৰ ৫৩০/এ কোৱাটাৰৰ টংকৰেশ দাসৰ পুত্ৰ উদিত প্ৰতীম দাস(২২)(বৰ্তমানৰ স্থায়ী ঠিকনা  বঙাইগাঁও চহৰৰ বাঘেশ্বৰীপাৰা) ক আটক কৰিবলৈ সক্ষম হয়৷ উল্লেখ্য, ধৃত ড্ৰাগছ সৰবৰাহকাৰী উদিত প্ৰতীম দাসৰ পৰা নগদ ১৫০০ টকা, AS 26B-8143 নম্বৰৰ এখন মহিন্দ্ৰা এক্স ইউ ভি-৩০০ বাহন, ড্ৰাইভিং লাইচেঞ্চ,এটা মোবাইল হেণ্ডচেট,১৬ টা প্লাষ্টিকৰ কন্টেইনাৰত ২২ গ্ৰাম পৰিমাণৰ সন্দেহযুক্ত হেৰ'ইন আৰু দুটা খালি প্লাষ্টিকৰ কন্টেইনাৰ জব্দ কৰিবলৈ সক্ষম হয়৷ ইপিনে ধৃত ড্ৰাগছ সৰবৰাহকাৰী উদিত প্ৰতীম দাসৰ স্বীকাৰোক্তিৰ ভিত্তিত চিৰাং জিলাৰ ঢালিগাঁও থানাৰ অন্তৰ্গত বেংতল গেটৰ বিলিয়ন নাৰ্জাৰীৰ পুত্ৰ জংঘিলা নাৰ্জাৰী(২৯) ক আটক কৰিবলৈ সক্ষম হয়৷আৰক্ষীয়ে জংঘিলা নাৰ্জাৰীৰ পৰা কিছু পৰিমাণৰ  হেৰইন,ছিৰিঞ্জ, ফইল পেপাৰ আদি জব্দ কৰিবলৈ সক্ষম হয় ৷ আৰক্ষীয়ে ভাৰতীয় দণ্ডবিধি আইন আৰু নাৰ্কটিক ড্ৰাগছ আৰু চাইকোট্ৰপিক ছাবছটেন্স (NDPS) এক্টৰ 21(B)/25/27/29 ৰ অধীনত ঢালিগাঁও থানাত ৬৫/২০২২ নম্বৰৰ এটি গোচৰ ৰজ্জু কৰি ইতিমধ্যে  অভিযুক্তদ্বয়ক আদালতত হাজিৰ কৰোৱাত মহামান্য আদালতে চাৰিদিনৰ বাবে আৰক্ষীৰ জিম্মালৈ প্ৰেৰণ কৰিছে৷🔯