🔯বঙাইগাঁৱত ৰঙালী বিহুৰ প্ৰাকমুহুৰ্তত বহিঃ ৰাজ্যৰ গামোচাৰ বিৰুদ্ধে এনফোৰ্চমেণ্ট স্কোৱাডৰ অভিযান🔯

🔯বঙাইগাঁৱত ৰঙালী বিহুৰ প্ৰাকমুহুৰ্তত বহিঃ ৰাজ্যৰ গামোচাৰ বিৰুদ্ধে এনফোৰ্চমেণ্ট স্কোৱাডৰ  অভিযান🔯

🔯জব্দ ১৫ শতকৈ অধিক গামোচা🔯

📝বঙাইগাঁওঃ ১৩ এপ্ৰিলঃ ৰঙালী বিহুৰ প্ৰাকমুহুৰ্তত বহিঃ ৰাজ্যৰ পৰা আমদানিকৃত গামোচাৰ বিৰুদ্ধে বুধবাৰে বঙাইগাঁৱত এনফোৰ্চমেণ্ট স্কোৱাডে  অভিযান চলায় ৷ এই অভিযানত ১৫ শতকৈ অধিক গামোচা জব্দ হয় ৷  উল্লেখ্য যে অমীয়াৰ অতিকৈ আপোন বিহুৱানখনো এতিয়া বহিঃ ৰাজ্যৰ পৰা আমদানি কৰি আনি একাংশ ধুৰন্ধৰ ব্যৱসায়ীয়ে ৰমৰমীয়া ব্যৱসায় কৰি থলুৱা শিপিনীসকলক ভাতে মৰাৰ চক্ৰান্তত লিপ্ত হৈ আহিছে ৷ এনে সময়তে বিষয়টোৰ প্ৰতি গুৰুত্ব দি ৰাজ্যৰ বিভিন্ন জিলাত প্ৰশাসনৰ তৰফৰ পৰা বহিঃ ৰাজ্যৰ পৰা আমদানিকৃত বিহুৱান তথা গামোচাৰ বিৰুদ্ধে চলিছে অভিযান ৷ বঙাইগাঁৱতো বহিঃ ৰাজ্যৰ পৰা বিদ্যুৎ চালিত তাঁতশালত উৎপাদন কৰা গামোচাৰ বিৰুদ্ধে অভিযান চলাবলৈ গঠন কৰা হৈছে এনফোৰ্চমেণ্ট স্কোৱাৰ্ড ৷ এই এনফোৰ্চমেণ্ট স্কোৱাৰ্ডে বঙাইগাঁও জিলাৰ বিভিন্ন ঠাইনৰ বস্ত্ৰ আৰু সূতাৰ ব্যৱসায়িক প্ৰতিষ্ঠানত  আৰম্ভ কৰিছে অভিযান৷ 

এই অভিযানৰ অংশ হিচাপে বুধবাৰে বঙাইগাঁও ৰাজহ চক্ৰৰ চক্ৰ বিষয়া ৰুনাভ ৰামচিয়াৰীৰ নেতৃত্বত হস্ততাঁত আৰু বস্ত্ৰশিল্প বিভাগৰ বিষয়া- কৰ্মচাৰীয়ে বঙাইগাঁও চহৰৰ গামোচা,পাট- মূগা কাপোৰৰ  লগতে সূতা তথা বস্ত্ৰ  বিক্ৰী কৰা ব্যৱসায়িক প্ৰতিষ্ঠানত অভিযান চলায় ৷  এই অভিযান কালতে দুৰ্গা ষ্টোৰ- ৰাজুৰ সূতাৰ দোকান নামৰ ব্যৱসায়িক প্ৰতিষ্ঠানখনৰ গুদামৰ পৰা প্ৰায় ১৩ শ খন বহিঃ ৰাজ্যৰ পৰা আমদানিকৃত বিহুৱান জব্দ কৰে ৷ লগতে এই ব্যৱসায়িক প্ৰতিষ্ঠানখনৰ গাতে লাগি থকা আন এখন সূতা তথা বস্ত্ৰৰ প্ৰতিষ্ঠানৰ গুদামৰ পৰাও প্ৰায় তিনিশ খনমান বহিঃ ৰাজ্যৰ পৰা আমদানিকৃত গামেচা জব্দ কৰে ৷  উল্লেখ্য যে ভাৰত চৰকাৰে গামোচাৰ লগতে প্ৰতিটো জাতি-জনগোষ্ঠীৰ পৰম্পৰাগতভাৱে হাতে বোৱা বস্ত্ৰ বিদ্যুৎচালিত তাঁতশালত উৎপাদন কৰাত হস্ততাঁত আইন,১৯৮৫ ৰ দ্বাৰা নিষেধাজ্ঞা আৰোপ কৰিছে। সেয়ে বহিঃ ৰাজ্যত বিদ্যুৎ চালিত তাঁতশালত উৎপাদন কৰা বস্ত্ৰৰ বিৰুদ্ধে প্ৰশাসনে অভিযান আৰম্ভ কৰিছে ৷🔯