🔯আজাদী কা অমৃত মহোৎসৱ উপলক্ষ্যে বঙাইগাঁৱৰ ৰাঙাপানীত স্বাস্থ্য মেলা🔯

🔯আজাদী কা অমৃত মহোৎসৱ উপলক্ষ্যে বঙাইগাঁৱৰ ৰাঙাপানীত স্বাস্থ্য মেলা🔯 

📝বঙাইগাঁওঃ ২০এপ্ৰিলঃ স্বাধীনতাৰ ৭৫ বছৰ পূৰ্ণ হোৱা উপলক্ষ্যে সমগ্ৰ ভাৰতবৰ্ষৰ বিভিন্ন ৰাজ্যৰ লগতে অসমৰ বিভিন্ন জিলাত বিভিন্ন বিভাগৰ অধীনত বিভিন্ন কাৰ্যসূচী হাতত লোৱা হৈছে।তাৰেই অংশ হিচাপে ৰাষ্ট্ৰীয় স্বাস্থ্য মিছনৰ অধীনত বঙাইগাঁও জিলাৰ স্বাস্থ্য খণ্ডত  ইতিমধ্যে কেবাখনো স্বাস্থ্য মেলা অনুষ্ঠিত কৰা হৈছে। বুধবাৰে জিলাখনৰ সৃজনগ্ৰাম খণ্ড স্বাস্থ্য কেন্দ্ৰৰ অধীনৰ ৰাঙাপানীস্থিত পৰমেশ্বৰ মেমোৰিয়েল উচ্চতৰ মাধ্যমিক বিদ্যালয়ত এখন স্বাস্থ্য মেলাৰ আয়োজন কৰা হয়।স্বাস্থ্য মেলাখনি অভয়াপুৰী উত্তৰ বিধানসভা সমষ্টিৰ বিধায়ক আব্দুল বাতিন খণ্ডকাৰৰ উপস্থিতিত আনুষ্ঠানিকভাৱে মুকলি কৰে বঙাইগাঁও জিলাৰ উপায়ুক্ত নবদ্বীপ পাঠকে। এই স্বাস্থ্য মেলাই সৰ্বসাধাৰণ ৰাইজক স্বাস্থ্য সম্পৰ্কে সজাগ কৰাৰ লগতে নিজৰ পদুলিমুখত স্বাস্থ্য সেৱা উপলব্ধ কৰা বুলি উল্লেখ কৰে উপায়ুক্ত পাঠকে ৷ 

ৰাইজক এই স্বাস্থ্য মেলাই স্বাস্থ্য সম্পৰ্কত যথেষ্ট উপকৃত কৰিব বুলিও আশা প্ৰকাশ কৰে উপায়ুক্তগৰাকীয়ে। স্বাস্থ্য মেলাত বিধায়ক আব্দুল বাতিন খণ্ডকাৰে ভাষণ প্ৰসংগত ছাত্ৰ-ছাত্ৰীসকল স্বাস্থ্য মেলাত যি যি স্বাস্থ্য সম্পৰ্কীয় কথাৰ বিষয়ে অৱগত হ'ল সেই বিষয়ে ঘৰৰ সকলো সদস্যকে জনাবলৈ পৰামৰ্শ আগবঢ়ায় যাতে ঘৰৰ আন আন সদস্যয়ো সেই বিষয়ে অৱগত হ'ব পাৰে। স্বাস্থ্য মেলাত অতিৰিক্ত উপায়ুক্ত নৱজ্যোতি ওজাও উপস্থিত থাকে। উল্লেখ্য যে যুটীয়া স্বাস্থ্য সেৱা সঞ্চালক ডা:পৰেশ কুমাৰ ৰয়ৰ লগতে প্ৰায় ১৬ টা বিভাগৰ বিশেষজ্ঞ চিকিৎসক উপস্থিত থাকি স্বাস্থ্য সেৱা আগবঢ়ায়।মেলাৰ অংশ হিচাপে আয়ুষ্মান ভাৰত কাৰ্ড আৰু অটল অমৃত কাৰ্ড তথা আভা( Ayushman Bharat Health Account Card) কাৰ্ডো প্ৰদান কৰা হয়।🔯