🔯বঙাইগাঁৱত বিশ্ব কবি ৰবীন্দ্ৰনাথ ঠাকুৰৰ ১৬১ সংখ্যক জন্ম জয়ন্তী পালন🔯

🔯বঙাইগাঁৱত বিশ্ব কবি ৰবীন্দ্ৰনাথ ঠাকুৰৰ ১৬১ সংখ্যক জন্ম জয়ন্তী পালন🔯

📝বঙাইগাঁওঃ ১০ মে’: বঙাইগাঁৱৰ কেন্দ্ৰীয় ৰবীন্দ্ৰ শ্ৰদ্ধাঞ্জলি মঞ্চৰ উদ্যোগত স্থানীয় গান্ধী ময়দানত সোমবাৰৰ পৰা দুদিনীয়া কাৰ্যসূচীৰে বিশ্ব কবি ৰবীন্দ্ৰনাথ ঠাকুৰৰ ১৬১ সংখ্যক জন্ম জয়ন্তী উদযাপন কৰা হয় ৷ উল্লেখ্য যে বঙাইগাঁও কেন্দ্ৰীয় ৰবীন্দ্ৰ শ্ৰদ্ধাঞ্জলি মঞ্চৰ সভাপতি সুৰজিৎ দাসে সোমবাৰে পুৱা কবিগুৰু ৰবীন্দ্ৰনাথ ঠাকুৰৰ প্ৰতিমূৰ্তিত মাল্যাৰ্পন  কৰি অনুষ্ঠানৰ শুভাৰম্ভ কৰে৷ ইয়াৰ পিছতে বন্তি প্ৰজ্বলন কৰে মঞ্চৰ সাধাৰণ সম্পাদক অভিজিত সৰকাৰে। সাংস্কৃতিক বিভাগৰ শিল্পী সকলৰ ৰবি প্ৰণামৰ পিছতে সাংস্কৃতিক শোভাযাত্ৰা উলিওৱা হয়। এই সাংস্কৃতিক শোভাযাত্ৰাত ৰবীন্দ্ৰানুৰাগীসকলে অংশ গ্ৰহণ কৰি বঙাইগাঁও চহৰ পৰিভ্ৰমণ কৰে।  দুপৰীয়া সমূহীয়া নৃত্য প্ৰতিযোগিতা অনুষ্ঠিত হয়। সন্ধিয়াৰ ভাগত কেন্দ্ৰীয় ৰবীন্দ্ৰ শ্ৰদ্ধাঞ্জলি মঞ্চৰ সভাপতি সুৰজিৎ দাসৰ পৌৰহিত্যত অনুষ্ঠিত ৰবীন্দ্ৰ সন্ধিয়া অনুষ্ঠানত বি,টি,আৰৰ স্বাস্থ্য বিভাগৰ কাৰ্যবাহী সদস্য অৰূপ কুমাৰ দেই বিশিষ্ট অতিথি, বঙাইগাঁৱৰ বিশিষ্ট সমাজকৰ্মী হিমানী অধিকাৰীয়ে মূখ্য অতিথি,বঙাইগাঁও পৌৰসভাৰ সভাপতি সুবোধ চন্দ্ৰ দাস,ৱাৰ্ড কমিছনাৰ সৰস্বতী সৰকাৰ, সম্পা দাস, চিত্তৰঞ্জন সৰকাৰ,গ্ৰেটাৰ বঙাইগাঁও প্ৰেছ ক্লাবৰ সাধাৰণ সম্পাদক প্ৰণৱ কুমাৰ ডেকা আৰু অপূৰ্ব অধিকাৰী আদিয়ে সন্মানীয় অতিথি হিচাপে উপস্থিত থাকে৷

একেটা অনুষ্ঠানত ৰবীন্দ্ৰনাথ ঠাকুৰৰ প্ৰতি শ্ৰদ্ধাৰ্ঘ্য স্বৰূপে উদযাপন সমিতিয়ে প্ৰকাশ কৰি উলিওৱা স্মৃতিগ্ৰন্থ "শ্ৰদ্ধাঞ্জলি " উন্মোচন কৰে বিশিষ্ট শিক্ষাবিদ তথা বঙাইগাঁও মহাবিদ্যালয়ৰ অৰ্থনীতি বিভাগৰ অৱসৰপ্ৰাপ্ত অধ্যাপক ডঃ প্ৰণব কুমাৰ ধৰে। ৰবীন্দ্ৰ নৃত্য- গীতৰ পিছত কলকাতাৰ ৰবীন্দ্ৰ শিল্পী স্বাতী পাল আৰু স্বৰূপ পালে ৰবীন্দ্ৰ সংগীত পৰিৱেশন কৰে। প্ৰতিকূল বতৰকো নেওচি বহু সংগীত প্ৰেমীয়ে অনুষ্ঠান উপভোগ কৰে। অনুষ্ঠানৰ দ্বিতীয় দিনা মঙলবাৰে (১০ মে') সাংস্কৃতিক সন্ধিয়াত সঙ্গীত পৰিবেশন কৰে সা ৰে গা মা খ্যাত শিল্পী গুৰজিৎ সিং আৰু চন্দ্ৰিকা‌ ভট্টাচাৰ্যই🔯