🔯বঙাইগাঁৱত আৰক্ষীৰ বাইক ৰেলী🔯

🔯বঙাইগাঁৱত আৰক্ষীৰ বাইক ৰেলী🔯 

📝বঙাইগাঁওঃ ৯ মে’: ভাৰতৰ ৰাষ্ট্ৰপতিয়ে অসম আৰক্ষীক সন্মান প্ৰদান কৰি আগবঢ়োৱা ৰাষ্ট্ৰপতিৰ নিচান (President Colour Award ) কাইলৈ ( ১০ মে') গুৱাহাটীত অনুষ্ঠিত হ'বলগীয়া এক অনুষ্ঠানত কেন্দ্ৰীয় গৃহমন্ত্ৰী অমিত শ্বাহে অসম আৰক্ষীক প্ৰদান কৰিব ৷ এই উপলক্ষে গুৱাহাটীত অনুষ্ঠিত অনুষ্ঠানৰ বহুল প্ৰচাৰৰ বাবে বঙাইগাঁও আৰক্ষীৰ উদ্যোগত সোমবাৰে এক বাইক ৰেলী উলিওৱা হয় ৷ বঙাইগাঁও জিলাৰ আৰক্ষী অধীক্ষক স্বপ্ননীল ডেকাই উদ্বোধন কৰে ৰেলীটো ৷ 

উল্লেখ্য,বঙাইগাঁও সদৰ থানাৰ পৰা ৰেলী আৰম্ভ কৰি চহৰ পৰিভ্ৰমণ কৰি ৰাইজৰ মাজত অসম আৰক্ষীলৈ ৰাষ্ট্ৰপতিয়ে আগবঢ়োৱা সন্মানীয় ৰাষ্ট্ৰপতিৰ নিচান প্ৰদানৰ বহুল প্ৰচাৰ চলায় ৷ বাইক ৰেলী চহৰখনৰ মাজেৰে বঙাইগাঁও আদালৰ ওচৰলৈ হৈ উভতি আহি বিভিন্ন স্থান পৰিভ্ৰমণ কৰে ৷ আনহাতে ৰাইজৰ মাজত ধন লুট আদি বিষয়ৰ সজাগতা সৃষ্টিৰ অৰ্থে মায়াপুৰীত বাটৰ নাট অনুষ্ঠিত কৰে ৷🔯