🔯বইটামাৰীত পুখুৰীৰ পানীত ওপঙি থকা অৱস্থাত উদ্ধাৰ মহিলাৰ মৃতদেহ🔯

🔯বইটামাৰীত পুখুৰীৰ পানীত ওপঙি থকা অৱস্থাত  উদ্ধাৰ মহিলাৰ মৃতদেহ🔯

📝বঙাইগাঁওঃ ৬ মেঃ বঙাইগাঁও জিলাৰ বইটামাৰী আৰক্ষী চকীৰ অন্তৰ্গত শালবাৰী মালীপাৰা গাৱঁত শুকুৰবাৰে দুপৰীয়া ১২ মান বজাত এটা পুখুৰীৰ পানীত ওপঙি থকা অৱস্থাত এগৰাকী মহিলাৰ মৃতদেহ উদ্ধাৰ হয় । উদ্ধাৰ হোৱা মৃতদেহটো গাওঁখনৰে ভৱেন ৰায় নামৰ লোক জনৰ পত্নী ভাৰতী ৰায় (৩৮) ৰ বুলি চিনাক্ত হৈছে । জানিব পৰা মতে, গাওঁখনৰ পঞ্চানন শৰ্মা মেধি নামৰ লোক এগৰাকীৰ ঘৰৰ পিচফালে থকা এটা পুখুৰীৰ পৰা উদ্ধাৰ হয় মৃতদেহটো । শুকুৰবাৰে পঞ্চানন শৰ্মাই  পিচফালে থকা পুখুৰীটোত  মৃতদেহটো পানীত ওপঙি থকা প্ৰত্যক্ষ কৰে । লগে লগে তেওঁ গাওঁবাসীক এই বিষয়ে অবগত কৰাৰ লগতে আৰক্ষীক খৱৰ দিয়ে।  আৰক্ষীয়ে ঘটনাস্থলীত উপস্থিত হৈ দণ্ডাধীশৰ উপস্থিতিত মৃতদেহটো উদ্ধাৰ কৰে । উল্লেখ্য যে,  মানসিক ভাবে বিকাৰগ্ৰস্ত  মহিলা গৰাকী দুদিনমান পূৰ্বৰে পৰা ঘৰৰ পৰা নিৰুদ্দেশ হৈ আছিল । মানসিক বিকাৰগ্ৰস্ত মহিলাগৰাকীয়ে দুৰ্ঘটনাবশত: পানীত পৰি মৃত্যু হ'ল নে আত্মহত্যা কৰিলে সেয়া জানিব পৰা হোৱা নাই ।🔯