🔯ভাৰত বিকাশ পৰিষদৰ বীৰঝৰা শাখাৰ কাৰ্যালয়ত ভূমি দাতা পৰিয়ালৰ পিতৃ-মাতৃৰ আবক্ষ মূৰ্তি উন্মোচন🔯

🔯ভাৰত বিকাশ পৰিষদৰ বীৰঝৰা শাখাৰ কাৰ্যালয়ত ভূমি দাতা পৰিয়ালৰ পিতৃ-মাতৃৰ আবক্ষ মূৰ্তি উন্মোচন🔯

 

📝বঙাইগাঁওঃ ৮ মেঃ ভাৰত বিকাশ পৰিষদৰ বীৰঝৰা শাখা কাৰ্যালয় গৃহৰ সন্মুখত দেওবাৰে ভূমিদাতা পৰিয়ালৰ পিতৃ-মাতৃ প্ৰয়াত সদানন্দ ভাগৱতী আৰু স্বৰ্ণলতা ভাগৱতীৰ দুটি আবক্ষ মূৰ্তি উন্মোচন কৰা হয়। এই উন্মোচন কাৰ্যসূচী ৰূপায়িত কৰে গুৱাহাটীৰ সন্দিকৈ কলেজৰ ৰসায়ন বিভাগৰ প্ৰাক্তন অধ্যাপক ড° উমাচৰণ শৰ্মাই। এই উপলক্ষে আয়োজিত সভাত সভাপতিত্ব কৰে বীৰঝৰা শাখাৰ সভাপতি প্ৰদীপ কুমাৰ দাসে ৷ সভাত মুখ্য অতিথি হিচাপে বীৰঝৰা উচ্চতৰ মাধ্যমিক বিদ্যালয়ৰ প্ৰাক্তন অধ্যক্ষ গণেশ্বৰ দেৱ শৰ্মা আৰু বিশিষ্ট অতিথি হিচাপে সমবায় বিভাগৰ প্ৰাক্তন বাকী-জাৰি বিষয়া ৰমণীমোহন গোস্বামী উপস্থিত থাকে ৷  বন্তি প্ৰজ্বলনেৰে আৰম্ভ হোৱা এই সভাত সকলোৱে সমূহীয়াভাবে বন্দে মাতৰম পৰিৱেশন  কৰে। 

ইয়াৰ পিছত সম্বৰ্ধনা কাৰ্যসূচী অনুষ্ঠিত হয় ৷  আনহাতে ভক্তিমূলক গীত পৰিৱেশন কৰে প্ৰদীপ পাঠকে। সভাৰ উদ্দেশ্য ব্যাখ্যা কৰাৰ লগতে আদৰণী ভাষণ আগবঢ়ায় আৱক্ষ মূৰ্তিৰ ব্যয় বহনকাৰী তথা প্ৰয়াত সদানন্দ ভাগৱতীৰ জ্যেষ্ঠ পুত্ৰ প্ৰদীপ ভাগৱতীয়ে ৷ ইয়াৰ পিছতেই আৱক্ষ মূৰ্তি উন্মোচন কৰি ৰাইজৰ মাজত ভাষণ আগবঢ়ায় ড° উমাচৰণ শৰ্মাই। তেখেতে নিজৰ ভাষণত এই মহান কাৰ্যৰ বাবে দাতা পৰিয়ালৰ সকলোকে সমূহীয়াকে শলাগ যাচে। সভাত মুখ্য অতিথি, বিশিষ্ট অতিথি তথা সমজুৱা সকলৰো দুই-চাৰি জনে প্ৰয়াত সদানন্দ ভাগৱতী  আৰু স্বৰ্ণলতা ভাগৱতীৰ সান্নিধ্যৰ সোঁৱৰণ কৰে। সভাত ননী দেৱীয়ে মাতৃ দিৱস উপলক্ষে এটি কবিতা পাঠ কৰাৰ লগতে এই দিৱসৰ লগত সংগতি ৰাখি আয়োজন কৰা  মহান কাৰ্যৰ বাবে দাতা পৰিয়ালৰ শলাগ লয়। সেইদৰে দীপক কুমাৰ দত্তই হাৱাইন গীটাৰত এটি লোকগীতৰ সুৰ বজাই সকলোকে আপ্লুত কৰে। সভাত ভূমিদাতা অৰূপ কুমাৰ ভাগৱতী,ভাগৱতী পৰিয়ালৰ জ্যেষ্ঠ সদস্য জিতেন চন্দ্ৰ মিশ্ৰ ভাগৱতী আৰু প্ৰয়াত ডাঃ জগদীশ চন্দ্ৰ মিশ্ৰ ভাগৱতীৰ কন্যা মৌচুমী ভাগৱতীয়েও ভাষণ দিয়ে। সভাপতিৰ মন্তব্যৰ পিছত ৰাষ্ট্ৰীয় সংগীতেৰে সভাৰ কাৰ্যসূচী সামৰা হয় 🔯৷